قازاقستاندىق مەنەرلەپ سىرعاناۋشى ەليزابەت تۇرسىنباەۆا يليا اۆەربۋحتىڭ «15 لەت ۋسپەحا» مۇز شوۋىنا ٶنەر كٶرسەتەتٸن بولدى, دەپ حابارلايدى قازاقپارات تٸلشٸسٸ.
بۇل شوۋ Almaty Arena سارايىندا 30 ناۋرىزدا ٶتەدٸ.
ەلەم چەمپيوناتىنىڭ كٷمٸس جٷلدەگەرٸ ەليزابەت تۇرسىنباەۆا اتاقتى مەنەرلەپ سىرعاناۋشى دەنيس تەندٸ ەسكە الۋعا ارنالعان نومەرٸن ورىندايدى.
«15 لەت ۋسپەحا» مۇز ايدىنى شوۋى 30 ناۋرىزدا Almaty Arena 19:30-تە باستالادى.
بۇل كونتسەرتتە رەسەيدٸڭ بەلگٸلٸ سىرعاناۋشىلارى الەكسەي ياگۋدين, رومان كوستوماروۆ, ماكسيم مارينين, وكسانا دومنينا, ماكسيم شابالين, مارييا پەتروۆا, الەكسەي تيحونوۆ, مارگاريتا دروبيازكو, پوۆيلاس ۆاناگاس, البەنا دەنكوۆا, ماكسيم ستاۆيسكيي ٶنەر كٶرسەتەدٸ.
2019 جىلى يليا اۆەربۋحتىڭ پروديۋسەرلٸك ورتالىعىنىڭ اشىلعانىنا 15 جىل تولادى.
وسى ۋاقىت ارالىعىندا بۇل ورتالىق مۇز ايدىنى شوۋ يندۋستريياسىندا ويىپ تۇرىپ ورىن الدى.
ايتا كەتۋ كەرەك, جاپونييانىڭ سايتاما قالاسىندا ٶتكەن مەنەرلەپ سىرعاناۋدان ەلەم چەمپيوناتىندا قازاقستاندىق ەليزابەت تۇرسىنباەۆا كٷمٸس جٷلدەگەر اتانعان بولاتىن.
