تەلٸپتەر اۋعانستاندى باسىپ العاندا ەلدەن كەتكەن اۋعان پرەزيدەنتٸ اشراف عاني مەن ونىڭ وتباسىن بٸرٸككەن اراب ەمٸرلٸكتەرٸ پانالاتتى. بۇل تۋرالى باە سىرتقى ٸستەر مينيسترلٸگٸ حابارلادى.
مينيسترلٸكتٸڭ باسپاسٶز حابارلاماسىندا باە-نٸڭ بۇل قادامعا گۋمانيتارلىق ماقساتتا بارعانى ايتىلادى.
اشراف عاني اۋعانستاننان 15 تامىز كٷنٸ "تاليبان" (قازاقستاندا تەرروريستٸك ۇيىم تانىلعان) كابۋلدى قۇرساۋعا العان تۇستا كەتكەن. وسىدان كەيٸن ولار قالانىڭ ٸشٸنە ەش قارسىلىقسىز كٸرگەن. كەيٸنٸرەك عاني Facebook-تە "تەلٸپتەردٸڭ جەڭگەنٸن", ەلدەن قانتٶگٸسكە جول بەرمەۋ ٷشٸن كەتكەنٸن ايتتى.
سەرسەنبٸ, 18 تامىزعا دەيٸن ونىڭ قايدا بولعانى بەلگٸسٸز ەدٸ. تٷرلٸ راستالماعان اقپاراتتا ونى بٸرەسە تەجٸكستانعا, بٸرەسە ٶزبەكستانعا باردى دەپ كٶرسەتتٸ.
باە – 1996-2001 تەلٸپتەر رەجيمٸن مويىنداعان ٷش ەلدٸڭ بٸرٸ. قالعان ەكەۋٸ: ساۋد ارابيياسى مەن پەكٸستان.
