ەدٸلەت مينيسترلٸگٸ جاساندى ينتەللەكت جەنە تسيفرلىق دامۋ مينيسترلٸگٸمەن بٸرلەسٸپ قولدانىستاعى سەرۆيستەردٸڭ پروبلەمالارىن جويۋ, اشىقتىقتى ارتتىرۋ جەنە نوتارياتتىق ٸس-قيمىلدارعا باقىلاۋدى كٷشەيتۋ ٷشٸن E-Notary تسيفرلىق پلاتفورماسىن ٸسكە قوسادى. بۇل تۋرالى ٷكٸمەت وتىرىسىندا ەدٸلەت مينيسترٸ ەرلان سەرسەمباەۆ مەلٸمدەدٸ, دەپ حابارلايدى ult.kz.
«پلاتفورمادا نوتاريۋستىڭ ەربٸر ەرەكەتٸ تٸركەلٸپ قانا قويماي, العاش رەت نوتاريۋستار مەن ازاماتتاردى بيومەترييالىق سەيكەستەندٸرۋدٸڭ ينتەگراتسيياسى كٶزدەلەتٸن بولادى, بۇل ەسەپكە الۋ دەرەكتەرٸن زاڭسىز پايدالانۋدى بولدىرمايدى جەنە اقپاراتتىق قاۋٸپسٸزدٸك دەڭگەيٸن ايتارلىقتاي ارتتىرادى. ەندٸ ازاماتتار پلاتفورمادا جەكە كابينەت اشا الادى, سول ارقىلى ولاردىڭ قاتىسۋىمەن جاسالعان بارلىق نوتارياتتىق ٸس-ەرەكەتتەردٸ باقىلايدى, قاپەرٸندە ۇستايدى جەنە قاداعالايدى, قاجەت بولعان جاعدايدا نوتاريۋستاردىڭ زاڭسىز ٸس-ەرەكەتتەرٸنە قارسىلىق بٸلدٸرە الادى», — دەپ اتاپ ٶتتٸ مينيستر.
سونداي-اق پلاتفورما شەڭبەرٸندە اتقارۋشىلىق جازبالار جاساۋ ٷشٸن ٶتٸنٸشتەردٸ اۆتوماتتى تٷردە بٶلۋ كٶزدەلگەن. بۇل مەحانيزم ماماندارعا بٸركەلكٸ جٷكتەمەنٸ قامتاماسىز ەتۋگە, ٶندٸرٸپ الۋشىنىڭ نوتاريۋستى تاڭداۋ مٷمكٸندٸگٸن بولدىرماۋعا جەنە ولاردىڭ اراسىنداعى سٶز بايلاسۋ قاۋپٸن ازايتۋعا مٷمكٸندٸك بەرەدٸ.
«ۇسىنىلعان قۇجاتتاردى تالداۋ, ىقتيمال تەۋەكەلدەردٸ انىقتاۋ جەنە ۇسىنىمداردى قالىپتاستىرۋ ٷشٸن E-Notary جاساندى ينتەللەكت ەلەمەنتتەرٸمەن قامتاماسىز ەتٸلەدٸ. بۇل رەتتە بارلىق نوتارياتتىق ٸس-ەرەكەتتەردٸ جاساۋ جٶنٸندەگٸ تٷپكٸلٸكتٸ شەشٸم تەك نوتاريۋستا قالادى», — دەدٸ ەرلان سەرسەمباەۆ.
پيلوتتىق جوبانى پايدالانۋ قورىتىندىسىنا قاراي جٷيەنٸ وسى جىلدىڭ سوڭىنا دەيٸن بٷكٸل ەل اۋماعىنا كەڭٸنەن تاراتۋ جوسپارلانىپ وتىر.
