بٷگٸن ٷكٸمەت وتىرىسىندا ەلٸمٸزدٸڭ باتىسىنداعى 4 وبلىستى دامىتۋدىڭ كەشەندٸ جوسپارى قابىلداندى, دەپ حابارلايدى قازاقپارات.
«باتىس ٶڭٸرلەردٸڭ ەرەكشەلٸكتەرٸ مەن ولاردىڭ ەل ەكونوميكاسىنىڭ دامۋىنا قوسىپ وتىرعان ٷلەسٸن ەسكەرەتٸن بولساق, اتالعان وبلىستاردى ەلەۋمەتتٸك-ەكونوميكالىق جاعىنان ەرٸ قاراي دامىتۋ جەنە تۇرعىنداردىڭ ەل-اۋقاتىن جاقسارتۋ ٶتە ٶزەكتٸ مەسەلە بولىپ تابىلادى. ماڭعىستاۋ جەنە اتىراۋ وبلىستارى بويىنشا كەشەندٸ جوسپارلار ٶتكەن جىلى قابىلدانعان بولاتىن. ولاردى تاعى دا بٸر پىسىقتاپ, قوسىمشا قارجىلاندىرۋ قاجەت بولدى. ال اقتٶبە جەنە باتىس قازاقستان وبلىستارىنا كەلەتٸن بولساق, ٶڭٸر جوسپارلارى بٷگٸن بٸرٸنشٸ رەت بەكٸتۋگە ۇسىنىلىپ وتىر», - دەدٸ پرەمەر-مينيستر ەليحان سمايىلوۆ.
ونىڭ اتاپ ٶتۋٸنشە, كەشەندٸ جوسپارلار ەكونوميكانىڭ جەكەلەگەن سالالارىن دامىتۋعا عانا ەمەس, سونداي-اق ساپالى سۋمەن قامتاماسىز ەتۋ, بٸلٸم بەرۋ مەن دەنساۋلىق ساقتاۋدىڭ قولجەتٸمدٸ بولۋى, جاڭا جۇمىس ورىندارىن قۇرۋ سيياقتى ماڭىزدى مەسەلەلەردٸ شەشۋگە باعىتتالۋى تيٸس.
«مەسەلەن, اقتٶبە وبلىسىندا ٶنەركەسٸپ كٶلەمٸن 2025-شٸ جىلعا قاراي 2,8 ترلن تەڭگەگە دەيٸن ارتتىرۋ جەنە قوسىمشا 39 مىڭنان استام جۇمىس ورنىن قۇرۋ جوسپارلانىپ وتىر. باتىس قازاقستان وبلىسى بويىنشا 2 مىڭ شاقىرىمنان استام ەلەكتر جەلٸلەرٸ جاڭعىرتىلادى, بۇل جەلٸلەردٸڭ توزۋىن ايتارلىقتاي ازايتاتىن بولادى. 38 مىڭنان استام جاڭا جۇمىس ورنى قۇرىلادى. شامامەن 2,1 ترلن تەڭگە جەكە ينۆەستيتسييا تارتۋ جوسپارلانىپ وتىر. اتىراۋ وبلىسى بويىنشا ەلەكتر جەلٸلەرٸندە جيٸلەپ كەتكەن اپاتتاردى ودان ەرٸ بولدىرماۋ ٷشٸن تيٸستٸ شارالار قابىلدانادى. 40 مىڭنان استام جاڭا جۇمىس ورنى قۇرىلادى. شامامەن 8,3 ترلن تەڭگە جەكە ينۆەستيتسييا تارتۋ جوسپارلانىپ وتىر», - دەدٸ ول.
ٷكٸمەت باسشىسىنىڭ ايتۋىنشا, ماڭعىستاۋ وبلىسىندا سۋ تاپشىلىعىن ەسكەرە وتىرىپ, سۋ تۇششىتاتىن 9 زاۋىت پەن قوندىرعىنى سالۋ جەنە كەڭەيتۋ كٶزدەلٸپ وتىر. سونداي-اق 55 مىڭنان استام جۇمىس ورنىن قۇرۋ جوسپارلانۋدا.
«قۇجاتتاردا نەگٸزٸنەن بيۋدجەتتەن تىس قاراجاتتى تارتۋعا باسىمدىق بەرٸلٸپ وتىر جەنە بۇل ٶتە قۇپتارلىق جايت ەكەنٸن اتاپ ٶتكٸم كەلەدٸ. ەڭ باستىسى ٶڭٸر حالقى وڭ ٶزگەرٸستەردٸ بارىنشا سەزٸنۋلەرٸ كەرەك. بولاشاققا سەنٸممەن قاراپ, جۇمىس ٸستەپ, تابىس تاۋىپ, ٶزدەرٸنٸڭ بيزنەستەرٸن دامىتىپ, جاقسى ەمدەلٸپ, ساپالى بٸلٸم الۋى تيٸس. حالىقتىڭ تۇرمىس ساپاسىن ايتارلىقتاي جاقسارتۋ ٷشٸن بارلىق مٷمكٸندٸكتەردٸ پايدالانۋ قاجەت. قۇجاتتاردى جالپى ماقۇلدايمىز. ۇلتتىق ەكونوميكا مينيسترلٸگٸنە, ەكٸمدٸكتەرگە, مٷددەلٸ مەملەكەتتٸك ورگاندار مەن ۇيىمدارعا كەشەندٸ جوسپارلارداعى ٸس-شارالاردى ۋاقىتىندا جەنە ساپالى ٸسكە اسىرۋدى قامتاماسىز ەتۋدٸ تاپسىرامىن», - دەدٸ ەليحان سمايىلوۆ.
