وڭتٷستٸك قازاقستان وبلىسى بويىنشا ەڭ العاش رەت جىلىجايلار ٶزبەكستانمەن قوڭسى سارىاعاش اۋدانىندا پايدالانۋعا بەرٸلگەن بولاتىن. جەر تٶسٸن ەمگەن الا تاقييالى اعايىننىڭ تەجٸريبەسٸن العان سارىاعاشتىق ديقانداردىڭ ٷيٸرگەلٸك جەرٸندەگٸ شاعىن جىلىجايلارى جاقسى تابىس كٸرگٸزە باستاعان سوڭ, باسقا اۋداندار مەن قالالاردا دا جاپپاي ٶرٸس العان.
بٷگٸندە وبلىس اۋماعىنداعى جىلىجايلاردىڭ جالپى كٶلەمٸ 900 گەكتارعا جەتتٸ. مۇنى شوتقا قاقساڭىز, قازاقستان بويىنشا 80 پايىزدان استام جىلىجايدىڭ كٷن شۇعىلالى وڭتٷستٸككە تيەسٸلٸ ەكەندٸگٸن اڭعارتادى.
ورداباسى اۋدانى بادام اۋىلىنا جاقىن ورنالاسقان «ادەليا» جىلىجايى ەلٸمٸزدەگٸ ەڭ ٸرٸ كەشەن بولىپ سانالادى. 16 گەكتار جەرگە قىزاناق پەن قييار ەككەن «ادەليا» جىلىجايىنان جىلىنا ەكٸ رەت ٶنٸم جينالادى. مۇنداعى ٶنٸم گەكتارىنا 300-350 تسەنتنەردەن اينالادى.
– قىزاناق تەرۋ ماۋسىمىندا 180 ادامعا دەيٸن جۇمىسقا قابىلدايمىز. جۇمىسشىلاردىڭ ورتاشا جالاقىسى – 80 مىڭ تەڭگە. ال ٶنٸمنٸڭ 90,95 پايىزىن رەسەيدٸڭ تەرٸسكەيٸندەگٸ نوۆوسٸبٸر, كراسنويارسك, بارناۋىل سەكٸلدٸ وبلىستارىنا ەكسپورتقا شىعارامىز. ال بٸزدە سۇرانىس ازداۋ. سونىمەن قاتار استانا مەن الماتى قالالارىنا دا سۇرانىسقا قاراي قىزاناق, قييار جەتكٸزٸپ وتىرامىز. مۇنداعى تەحنولوگييا بويىنشا گەربيتسيدتەر مەن اممياكتى سەليترا قوسىلمايدى. زيياندى نيتراتتار كٶلەمٸ بەلگٸلەنگەن شەكتەن 15 ەسە تٶمەن. دەگەنمەن جىلىجاي كٶلەمٸن ارتتىرۋعا ەزٸرگە نيەت جوق. وعان باستى سەبەپ قۋات كٶزدەرٸنٸڭ قىمباتتىعى, – دەيدٸ «ادەليا» جىلىجاي كەشەنٸنٸڭ ديرەكتورى باقتييار اسىلبەك.
بۇل كەشەن يندۋسترييالاندىرۋ كارتاسى اياسىندا تۇرعىزىلعان. ەۋەلدە 5 گەكتار جەرگە ورنالاسقان جىلىجاي جوباسىنىڭ العاشقى كەزەڭٸنٸڭ ينۆەستيتسييالىق قۇنى 2 673,8 ملن تەڭگەگە جەتكەن. ەكٸنشٸ كەزەڭنٸڭ قۇنى – 2 ملرد 574 ملن تەڭگە. جىلىجاي شارۋاشىلىعىنىڭ ٶنٸمٸ ەكولوگييالىق تازا. كٶكٶنٸس ٶسٸرۋدە قولدانىلاتىن تەحنولوگييا سۋارمالى سۋدى, تىڭايتقىشتى جەنە باسقا دا رەسۋرستى ٷنەمدەۋگە مٷمكٸندٸك بەرەدٸ. قازٸر جىلىجاي 16 گەكتار جەردٸ الىپ جاتىر. 2016 جىلى 2 814003 كيلو ٶنٸم جينالسا, 2017 جىلدىڭ جارتى جىلىندا 2 934 669 كيلو ٶنٸم جينالدى.
يندۋسترييالاندىرۋ كارتاسىنىڭ اياسىندا «ادەليانى» «قازاگروقارجى» اكتسيونەرلٸك قوعامى قارجىلاندىرىپ وتىر. جەڭٸلدەتٸلگەن نەسيەنٸڭ ارقاسىندا اياعىنان تٸك تۇرعان سەرٸكتەستٸك ديقان قاۋىمىنا جاقسى ٷلگٸ بولۋدا. ابىز اباي ايتقانداي, مۇنداعى جۇمىسشىلار «ەڭبەك ەتسەڭ ەرٸنبەي, تويادى قارنىڭ تٸلەنبەي» ناقىلىنىڭ جايىن جاقسى بٸلەدٸ.
جارتى جىلدا تٶرت مىڭ توننا ٶنٸم جيناعان جىلىجاي باسشىلىعى وسىندا ەڭبەك ەتٸپ جاتقان قاۋىمنىڭ جالاقىسىن بەرٸپ قانا قويماي, ەلەۋمەتتٸك جاعدايلارىنىڭ وڭالۋىنا دا جەردەمدەسەدٸ.
باقتييار تايجان,
وڭتٷستٸك قازاقستان وبلىسى
