رەسپۋبليكاداعى العاشقى مەديتسينالىق-سانيتارلىق كٶمەك ۇيىمدارى عيماراتتارىنىڭ توزۋى 55 پايىزدى قۇرايدى. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«تولىقتاي العاندا, رەسپۋبليكاداعى العاشقى مەديتسينالىق-سانيتارلىق كٶمەك ۇيىمدارى عيماراتتارىنىڭ توزۋى 55 پايىزدى قۇرايدى. بۇل رەتتە عيماراتتاردىڭ ەڭ جوعارى توزۋى اقمولا وبلىسىندا – 79, سولتٷستٸك قازاقستان وبلىسىندا – 75, شىعىس قازاقستان وبلىسىندا – 71, باتىس قازاقستان وبلىسىندا – 69, اتىراۋ وبلىسىندا – 65 جەنە قىزىلوردا وبلىسىندا 59 پايىزدى قۇرايدى», - دەدٸ مينيستر.
الەكسەي تسويدىڭ ايتۋىنشا, 2020 جىلى دەنساۋلىق ساقتاۋ ينفراقۇرىلىمىن دامىتۋدىڭ پەرسپەكتيۆالى جوسپارىنا سەيكەس, 197 امبۋلاتورلىق-ەمحانالىق ۇيىم نىسانىن سالۋ جوسپارلانعان. ونىڭ 63-ٸ عانا سالىندى, 134-ٸ سالىنعان جوق. ونىڭ ٸشٸندە الماتى وبلىسىندا - 75, تٷركٸستان وبلىسىندا – 15, قاراعاندى وبلىسىندا - 10, اقتٶبە وبلىسىندا – 8, قىزىلوردا وبلىسىندا 9 نىسان سالىنبادى.
«العاشقى مەديتسينالىق-سانيتارلىق كٶمەك نىساندارى 1,5 ملن-نان استام بٸرلٸك مەديتسينالىق تەحنيكامەن قامتاماسىز ەتٸلگەن. بۇل رەتتە جابدىقتالۋ 76,6, ال توزۋ 49 پايىزدى قۇرايدى. مەديتسينالىق تەحنيكامەن تٶەن جابدىقتالۋ سولتٷستٸك قازاقستان وبلىسىندا – 55, قوستاناي وبلىسىندا - 57, شىمكەنت قالاسىندا – 72, اقمولا وبلىسىندا – 74 جەنە اقتٶبە وبلىسىندا 73 پايىزدى قۇراپ وتىر», - دەدٸ ول.
