ۇلىتاۋ وبلىسىندا رەسپۋبليكالىق رەفەرەندۋم بارىسىندا ەل بولاشاعىنا بەيجاي قارامايتىن اعا بۋىن ٶكٸلدەرٸ دە ازاماتتىق بەلسەندٸلٸك تانىتۋدا. سونىڭ جارقىن ٷلگٸسٸن جاڭاارقا اۋدانىنىڭ تۇرعىنى, 116 جاستاعى تٷيمەگٷل تەمٸرباەۆا كٶرسەتتٸ.
قىزىلجار كەنتٸندە تۇراتىن كەيۋانا رەفەرەندۋمدا داۋىس بەرٸپ, ٶزٸنٸڭ ازاماتتىق تاڭداۋىن جاسادى. قارت ادامنىڭ جاسى مەن دەنساۋلىق جاعدايىن ەسكەرە وتىرىپ, ۋچاسكەلٸك رەفەرەندۋم كوميسسيياسىنىڭ مٷشەلەرٸ ارنايى داۋىس بەرۋ جەشٸگٸن ونىڭ ٷيٸنە اپاردى.
ۇلىتاۋ وبلىسى جاڭاارقا اۋدانى, قىزىلجار كەنتٸنٸڭ تۇرعىنى تٷيمەگٷل تەمٸرباەۆا 1910 جىلى دٷنيەگە كەلگەن. بيىل قاڭتار ايىندا ول 116 جاسقا تولىپ, قازاقستانداعى ەڭ قارت تۇرعىن اتاندى.
ٶمٸرٸن وتباسىنا ارناعان تٷيمەگٷل ەجەنٸڭ ايتۋىنشا, ۇزاق ٶمٸر سٷرۋدٸڭ باستى سىرى – ەڭبەكقورلىق پەن جاقىن ادامدارعا دەگەن سٷيٸسپەنشٸلٸك. بٷگٸندە ەجەنٸڭ 15 نەمەرەسٸ جەنە 25 شٶبەرەسٸ بار. ول ٶمٸر بويى وتباسىنىڭ تٸرەگٸ بولىپ, بالالار مەن نەمەرەلەرٸنە ٷلگٸ كٶرسەتٸپ كەلەدٸ.
تۋىستارىنىڭ ايتۋىنشا, تٷيمەگٷل ەجە دەنساۋلىعىنا ەشقاشان شاعىم ايتپاعان, ەردايىم بەلسەندٸ بولىپ, وتباسى مٷشەلەرٸمەن بٸرگە تٷرلٸ وتباسىلىق ٸس-شارالارعا قاتىسىپ وتىرادى.
وسىلايشا عاسىردان اسقان ۇلىتاۋلىق ماڭىزدى ساياسي ناۋقاننان شەت قالماي, ەل تاعدىرىنا قاتىستى شەشٸم قابىلداۋعا ٶز ٷلەسٸن قوستى.
ايتا كەتەيٸك, ۇلىتاۋ وبلىسىندا رەسپۋبليكالىق رەفەرەندۋمعا تۇرعىنداردىڭ قاتىسۋى بەلسەندٸ تٷردە جالعاسۋدا.
