Ulytaý oblysynda respýblikalyq referendým barysynda el bolashaǵyna beijai qaramaityn aǵa býyn ókilderi de azamattyq belsendilik tanytýda. Sonyń jarqyn úlgisin Jańaarqa aýdanynyń turǵyny, 116 jastaǵy Túimegúl Temirbaeva kórsetti.
Qyzyljar kentinde turatyn keiýana referendýmda daýys berip, óziniń azamattyq tańdaýyn jasady. Qart adamnyń jasy men densaýlyq jaǵdaiyn eskere otyryp, ýchaskelik referendým komissiiasynyń músheleri arnaiy daýys berý jáshigin onyń úiine apardy.
Ulytaý oblysy Jańaarqa aýdany, Qyzyljar kentiniń turǵyny Túimegúl Temirbaeva 1910 jyly dúniege kelgen. Biyl qańtar aiynda ol 116 jasqa tolyp, Qazaqstandaǵy eń qart turǵyn atandy.
Ómirin otbasyna arnaǵan Túimegúl ájeniń aitýynsha, uzaq ómir súrýdiń basty syry – eńbekqorlyq pen jaqyn adamdarǵa degen súiispenshilik. Búginde ájeniń 15 nemeresi jáne 25 shóberesi bar. Ol ómir boiy otbasynyń tiregi bolyp, balalar men nemerelerine úlgi kórsetip keledi.
Týystarynyń aitýynsha, Túimegúl áje densaýlyǵyna eshqashan shaǵym aitpaǵan, árdaiym belsendi bolyp, otbasy múshelerimen birge túrli otbasylyq is-sharalarǵa qatysyp otyrady.
Osylaisha ǵasyrdan asqan ulytaýlyq mańyzdy saiasi naýqannan shet qalmai, el taǵdyryna qatysty sheshim qabyldaýǵa óz úlesin qosty.
Aita keteiik, Ulytaý oblysynda respýblikalyq referendýmǵa turǵyndardyń qatysýy belsendi túrde jalǵasýda.
