بٷگٸن قازاقستاننىڭ جٷزگە جۋىق تەستٸلەۋ پۋنكتٸندە ۇلتتىق بٸرىڭعاي تەستٸلەۋدٸڭ العاشقى كەزەڭٸ باستالدى, دەپ حابارلايدى قر بٸلٸم جەنە عىلىم مينيسترلٸگٸ.
2020 جىلدىڭ 16-20 قاڭتارى ارالىعىندا 95 مىڭنان استام ٷمٸتكەر ۇبت تاپسىرادى.
ايتا كەتەيٸك, جوعارى وقۋ ورنىنا اقىلى نەگٸزدە تٷسۋ ٷشٸن ۇبت جىلىنا 4 رەت ٶتكٸزٸلەدٸ (قاڭتار, ناۋرىز, ماۋسىم جەنە تامىز). بۇل رەتتە, وقۋعا تٷسۋشٸلەر بٸلٸم گرانتى كونكۋرسىنا قاتىسۋ ٷشٸن ماۋسىم ايىندا ٶتەتٸن ۇبت-نى تاپسىرۋى قاجەت. جالپى, ۇلتتىق بٸرىڭعاي تەستٸلەۋدٸ تاپسىرۋ فورماتى ٶزگەرگەن جوق. بۇل نورما جوعارى بٸلٸم الۋعا قولجەتٸمدٸلٸكتٸ ارتتىرۋ ماقساتىندا ەنگٸزٸلدٸ.
ۇبت-عا قاتىسۋ ٷشٸن قۇجاتتار 2019 جىلى 1-15 جەلتوقسان ارالىعىندا بٸرىڭعاي اقپاراتتىق جٷيە ارقىلى قابىلداندى. نەتيجەسٸندە, ۇبت-عا قاتىسۋعا 95 مىڭنان استام ادام ٶتٸنٸش بەردٸ. ونىڭ ٸشٸندە 75 520 وقۋشى تەستٸلەۋدٸ قازاق تٸلٸندە, 22 744 بالا – ورىس تٸلٸندە جەنە 176 بالا اعىلشىن تٸلٸندە تاپسىرادى.
ساناتتار بويىنشا, 90 808 بالا – 11 (12) سىنىپتا وقيدى جەنە بىلتىرعى تەستٸلەۋدەن ٶتپەگەن, جوو-عا شارتتى تٷردە قابىلدانعان 2 701 ٷمٸتكەر بار. ودان بٶلەك, شىعارماشىلىق دايىندىقتى تالاپ ەتەتٸن, ٶزگە بٸلٸم بەرۋ باعدارلاماسىنا اۋىسقىسى كەلەتٸن 1-2-ٸنشٸ كۋرستاعى 1 841 ستۋدەنت بار.
ۇبت-دا 820 اۋديتورييا پايدالانىلادى. بارلىق اۋديتورييالار ۇيالى بايلانىس قۇرالدارىنىڭ جۇمىسىن بۇعاتتايتىن قۇرالدارمەن جەنە بەينەباقىلاۋ كامەرالارىمەن قامتاماسىز ەتٸلگەن. تىيىم سالىنعان زاتتار تابىلعان ٷمٸتكەر ۇبت-عا كٸرگٸزٸلمەيدٸ جەنە اكت ارقىلى عيماراتتان شىعارىلادى.
ٶڭٸرلەرگە قر بٸلٸم جەنە عىلىم مينيسترلٸگٸنٸڭ 447 ٶكٸلٸ جٸبەرٸلەدٸ, اپەللياتسييالىق كوميسسييالار قۇرىلادى, مەديتسينالىق كٶمەك كٶرسەتۋ بەكەتتەرٸ ۇيىمداستىرىلادى جەنە تەستٸلەۋ بارىسىنداعى قاۋٸپسٸزدٸك قامتاماسىز ەتٸلەدٸ. بۇدان بٶلەك, قاجەت بولعان جاعدايدا جەكە كٶمەكشٸلەر, سونداي-اق ەرەكشە بٸلٸم بەرۋ قاجەتتٸلٸگٸ بار بالالارعا ارنالعان سۋردواۋدارماشىلار ۇسىنىلادى.
جەرگٸلٸكتٸ جەرلەردە ۇبت ۇيىمداستىرۋ جەنە ٶتكٸزۋ بويىنشا مەملەكەتتٸك كوميسسييالار قۇرىلدى. مەملەكەتتٸك كوميسسييا قۇرامىنا وبلىستار نەمەسە رەسپۋبليكالىق ماڭىزى بار قالالار ەكٸمدٸكتەرٸنٸڭ ٶكٸلدەرٸ, قۇقىق قورعاۋ ورگاندارىنىڭ, قوعامدىق ۇيىمداردىڭ, بۇقارالىق اقپارات قۇرالدارىنىڭ ٶكٸلدەرٸ كٸردٸ.
