ەلٸمٸزدە دامۋىنا باسىم باعىت بەرەتٸن سپورت تٷرلەرٸنٸڭ تٸزٸمٸ جاسالدى. بۇل تۋرالى قر مەدەنيەت جەنە سپورت مينيسترلٸگٸ سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سامات ەرعاليەۆ مەلٸم ەتتٸ, دەپ حابارلايدى قازاقپارات.
«جەتكەن جەتٸستٸكتٸ دە, كەمشٸلٸكتٸ دە جاسىرۋعا بولمايتىن سالانىڭ بٸرٸ – سپورت. ونىڭ نەتيجەسٸ باق-تا كەڭٸنەن سٶز بولىپ, قوعام تالقىسىنا تٷسەدٸ. ٶزدەرٸڭٸز بٸلەتٸندەي, جاقىندا 2 ماڭىزدى حالىقارالىق سپورت وقيعاسى ٶتتٸ. ول - توكيودا ٶتكەن جازعى وليمپيادا جەنە بەيجٸڭدەگٸ قىسقى وليمپيادا ويىندارى. قازاقستان قۇراماسىنىڭ اتالعان ويىنداردا كٶرسەتكەن نەتيجەسٸ ويداعىداي بولمادى. سونىمەن قاتار, مەملەكەت باسشىسىنىڭ تاپسىرماسى بويىنشا بيىل اقپان, ناۋرىز ايلارىندا 6 ٶڭٸردٸڭ جۇمىسىنا تالداۋ جاسالىپ, بٸرقاتار ٶزەكتٸ مەسەلەلەر انىقتالدى», - دەدٸ سامات ەرعاليەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, ەلٸمٸزدە اككرەديتتەلگەن 179 سپورت تٷرٸ بار جەنە اتالعان سالادا بٸرقاتار رەفورما قولعا الىنعان.
«سارالاۋ بويىنشا ونىڭ بارلىعىنا مەملەكەت بيۋدجەتٸنەن قارجى قاراستىرىلعان. الايدا سپورت تٷرلەرٸنٸڭ بەرٸن بٸردەي تولىققاندى دامىتۋ مٷمكٸن ەمەس. سوندىقتان, سوڭعى 10 جىل ٸشٸندە ٶتكەن وليمپيادا, ازييا ويىندارىنداعى ۇلتتىق قۇراما كوماندالاردىڭ جەتٸستٸكتەرٸن ەسكەرە وتىرىپ, مينيسترلٸك باسىم سپورت تٷرلەرٸنٸڭ تٸزٸمٸن انىقتادى», - دەيدٸ ول.
وسىلايشا, اتالعان ۆەدومستۆو 15 سپورت تٷرٸنە باسىم باعىت بەرٸپ وتىر.
ول - بوكس, اۋىر جەنە جەڭٸل اتلەتيكا, جٷزۋ, ۆەلوسپورت, دزيۋدو, ەيەلدەر كٷرەسٸ, گرەك-ريم كٷرەسٸ, ەركٸن كٷرەس, تاەكۆوندو, بياتلون, مەنەرلەپ سىرعاناۋ, فريستايل جەنە شاڭعى جارىسى.
«دەگەنمەن وسى 15 سپورت تٷرٸنٸڭ ٸشٸندە تەك 6-7 سپورت تٷرلەرٸ وليمپيادا جەنە ەلەم چەمپيوناتتارىندا جاقسى نەتيجەگە قول جەتكٸزٸپ جٷر. جوعارىدا اتالعان سپورت تٷرلەرٸ بويىنشا الداعى ۋاقىتتا ٶڭٸرلەردٸڭ جۇمىسىن باعالاۋ جٷيەسٸ ەزٸرلەنەدٸ. سپورت عالىمدارى مەن بٸلٸكتٸ مامانداردى وسى سپورت تٷرلەرٸن دامىتۋعا جۇمىلدىرامىز», - دەيدٸ كوميتەت باسشىسى.
