فوتو: okron.ru
پارلامەنت مەجٸلٸسٸندە «رەيتينگتٸك قىزمەت تۋرالى» زاڭ جوباسى تالقىلانىپ, ونىڭ ەلدٸڭ قارجى نارىعىن دامىتۋداعى ماڭىزى كەڭٸنەن سٶز بولدى. قۇجاتتى قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا تانىستىردى. بۇل تۋرالى Ult.kz حابارلايدى.
مەدينا ەبٸلقاسىموۆانىڭ ايتۋىنشا, زاڭ جوباسى قازاقستاندا العاش رەت كرەديتتٸك رەيتينگتٸك اگەنتتٸكتەر قىزمەتٸنٸڭ تولىققاندى قۇقىقتىق بازاسىن قالىپتاستىرۋعا باعىتتالعان. قازٸرگٸ تاڭدا رەيتينگتەر ينۆەستورلار مەن قارجى ۇيىمدارى ٷشٸن نەگٸزگٸ قۇرالداردىڭ بٸرٸ سانالادى. سوڭعى جىلدارى ەلدٸڭ كاپيتال نارىعى ايتارلىقتاي ٶسٸم كٶرسەتٸپ, اكتسييالار مەن وبليگاتسييالار نارىعىنىڭ كٶلەمٸ ەدەۋٸر ۇلعايعان.
سونىمەن قاتار, زاڭ جوباسى ۇلتتىق رەيتينگتٸك جٷيەنٸ قۇرۋدى كٶزدەيدٸ. بۇل شاعىن جەنە ورتا بيزنەس ٷشٸن قارجى تارتۋدى جەڭٸلدەتٸپ, نارىقتاعى اشىقتىقتى ارتتىرۋعا مٷمكٸندٸك بەرەدٸ. قۇجاتتا رەيتينگتٸك اگەنتتٸكتەردٸ رەتتەۋ, باقىلاۋ, ولاردىڭ تەۋەلسٸزدٸگٸن قامتاماسىز ەتۋ جەنە اقپاراتتىڭ اشىقتىعىن كٷشەيتۋ تەتٸكتەرٸ قاراستىرىلعان.
ٶز كەزەگٸندە دەپۋتات بەرٸك بەيسەنعاليەۆ ۇلتتىق رەيتينگتٸك اگەنتتٸك قۇرۋدى «ۋاقتىلى ەرٸ ستراتەگييالىق ماڭىزدى شەشٸم» دەپ اتادى. ونىڭ پٸكٸرٸنشە, قازاقستان قازٸرگٸ تاڭدا حالىقارالىق اگەنتتٸكتەرگە تەۋەلدٸ, ال بۇل قىزمەت قىمبات ەرٸ ەل ەكونوميكاسىنىڭ ەرەكشەلٸكتەرٸن تولىق ەسكەرە بەرمەيدٸ.
"ٶزٸمٸزدٸڭ اگەنتتٸكتٸڭ بولعانى - ۇلتتىق ەرەكشەلٸكتەردٸ, ەكونوميكا سالالارى مەن ٶڭٸرلەر دامۋىن ەسكەرە وتىرىپ, رەيتينگتەر قالىپتاستىرۋعا مٷمكٸندٸك بەرەدٸ", - دەدٸ دەپۋتات.
سونداي-اق ول ەۋرازييالىق ەكونوميكالىق وداق اياسىندا رەيتينگتٸك قىزمەتتەردٸڭ ورتاق نارىعى قالىپتاسىپ جاتقانىن ەسكە سالىپ, قازاقستاننىڭ بۇل پروتسەستە بەلسەندٸ رٶل اتقارۋى ٷشٸن ۇلتتىق اگەنتتٸكتٸڭ بولۋى ماڭىزدى ەكەنٸن جەتكٸزدٸ.
جالپى, زاڭ جوباسىن قابىلداۋ قازاقستاننىڭ قارجى جٷيەسٸنٸڭ تەۋەلسٸزدٸگٸن نىعايتىپ, كاپيتال نارىعىن دامىتۋعا, ينۆەستورلاردىڭ قۇقىقتارىن قورعاۋعا جەنە ەلدٸڭ ٶڭٸرلٸك ەرٸ حالىقارالىق دەڭگەيدەگٸ پوزيتسيياسىن كٷشەيتۋگە ىقپال ەتپەك.
