Foto: okron.ru
Parlament Májilisinde «Reitingtik qyzmet týraly» zań jobasy talqylanyp, onyń eldiń qarjy naryǵyn damytýdaǵy mańyzy keńinen sóz boldy. Qujatty Qarjy naryǵyn retteý jáne damytý agenttiginiń tóraǵasy Mádina Ábilqasymova tanystyrdy. Bul týraly Ult.kz habarlaidy.
Mádina Ábilqasymovanyń aitýynsha, zań jobasy Qazaqstanda alǵash ret kredittik reitingtik agenttikter qyzmetiniń tolyqqandy quqyqtyq bazasyn qalyptastyrýǵa baǵyttalǵan. Qazirgi tańda reitingter investorlar men qarjy uiymdary úshin negizgi quraldardyń biri sanalady. Sońǵy jyldary eldiń kapital naryǵy aitarlyqtai ósim kórsetip, aktsiialar men obligatsiialar naryǵynyń kólemi edáýir ulǵaiǵan.
Sonymen qatar, zań jobasy ulttyq reitingtik júieni qurýdy kózdeidi. Bul shaǵyn jáne orta biznes úshin qarjy tartýdy jeńildetip, naryqtaǵy ashyqtyqty arttyrýǵa múmkindik beredi. Qujatta reitingtik agenttikterdi retteý, baqylaý, olardyń táýelsizdigin qamtamasyz etý jáne aqparattyń ashyqtyǵyn kúsheitý tetikteri qarastyrylǵan.
Óz kezeginde depýtat Berik Beisenǵaliev ulttyq reitingtik agenttik qurýdy «ýaqtyly ári strategiialyq mańyzdy sheshim» dep atady. Onyń pikirinshe, Qazaqstan qazirgi tańda halyqaralyq agenttikterge táýeldi, al bul qyzmet qymbat ári el ekonomikasynyń erekshelikterin tolyq eskere bermeidi.
"Ózimizdiń agenttiktiń bolǵany - ulttyq erekshelikterdi, ekonomika salalary men óńirler damýyn eskere otyryp, reitingter qalyptastyrýǵa múmkindik beredi", - dedi depýtat.
Sondai-aq ol Eýraziialyq ekonomikalyq odaq aiasynda reitingtik qyzmetterdiń ortaq naryǵy qalyptasyp jatqanyn eske salyp, Qazaqstannyń bul protseste belsendi ról atqarýy úshin ulttyq agenttiktiń bolýy mańyzdy ekenin jetkizdi.
Jalpy, zań jobasyn qabyldaý Qazaqstannyń qarjy júiesiniń táýelsizdigin nyǵaityp, kapital naryǵyn damytýǵa, investorlardyń quqyqtaryn qorǵaýǵa jáne eldiń óńirlik ári halyqaralyq deńgeidegi pozitsiiasyn kúsheitýge yqpal etpek.
