ەلٸمٸزدە مەديتسينالىق اۆياتسييا قىزمەتتەرٸنە تاريف ٶسەدٸ

قازاقستاندا مەديتسينالىق اۆياتسييادا جاڭا ٷلگٸدەگٸ ۇشاقتارعا رۇقسات بەرٸلمەك. بۇل جايىندا سەناتورلاردىڭ دەپۋتاتتىق ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".

«مەديتسينالىق اۆياتسييا قىزمەتٸ – جول-كٶلٸك وقيعالارىنىڭ سالدارىنان بولاتىن ٶلٸمدٸ تٶمەندەتۋگە, اكۋشەرلٸك پاتولوگيياسى بار ەيەلدەرگە, تۋا بٸتكەن دامۋ كەمٸستٸگٸ بار بالالارعا, قان اينالىمى جٷيەسٸ اۋرۋلارى بار پاتسيەنتتەرگە جەنە باسقا دا شۇعىل مەديتسينالىق كٶمەك كٶرسەتۋگە باعىتتالعان. دەنساۋلىق ساقتاۋ مينيسترلٸگٸ مەديتسينالىق اۆياتسيياعا بەيٸمدەلگەن قازٸرگٸ زامانعى ەۋە كەمەلەرٸن (مەديتسينالىق مودۋلمەن جابدىقتالعان) تارتۋ جەنە ۇشۋدىڭ جاڭا باعىتتارىن (ەۋە جەلٸلەرٸن) قۇرۋ, قولدا بار بورتتاردىڭ تەحنيكالىق قۇرامىن جاقسارتۋ ٷشٸن اۆياتسييالىق قىزمەتتەرگە تاريفتەردٸ ۇلعايتۋ مەسەلەسٸن پىسىقتاۋدا. وسى ماقساتتا 5,4 ملرد تەڭگە سوماسىنا قوسىمشا قاجەتتٸلٸككە بيۋدجەتتٸك ٶتٸنٸم ەزٸرلەندٸ. ول 2021 جىلعا ارنالعان رەسپۋبليكالىق بيۋدجەتتٸ ناقتىلاۋ كەزٸندە زاڭنامادا بەلگٸلەنگەن تەرتٸپپەن قارالاتىن بولادى, - دەدٸ اسقار مامين. 

ٷكٸمەت باسشىسىنىڭ جاۋابىنا قوسا بەرٸلگەن انىقتاماعا سەيكەس, ەل ٸشٸندەگٸ اۆياتسييالىق قىزمەتتەرگە قاتىستى كەلەسٸ تاريفتەردٸ ۇلعايتۋ كٶزدەلۋدە: 

- ان-2 ۇشاعىنىڭ قىزمەتٸ (17 بٸرلٸك) – تاريف 1 ساعات ٷشٸن 270 000 تەڭگەدەن 328 000 تەڭگەگە دەيٸن; 

- ان-24 ۇشاعىنىڭ قىزمەتٸ (1 بٸرلٸك) - تاريف 1 ساعات ٷشٸن 896 000 تەڭگەدەن 1 087 000 تەڭگەگە دەيٸن; 

- ياك-40 (2 بٸرلٸك) ۇشاعىنىڭ قىزمەتٸ – تاريف 1 ساعات ٷشٸن 1 091 950 تەڭگەدەن 1 328 000 تەڭگەگە دەيٸن; 

- Pilatus PC-12, Piaggio Avanti EVO ٷلگٸسٸندەگٸ جاڭا ەۋە كەمەسٸن پايدالانۋعا رۇقسات ەتۋ (تاريف – 1 ساعات ٷشٸن 1750 000 تەڭگە); 

- TwinOtter 400, L-410-250 ٷلگٸسٸندەگٸ جاڭا ەۋە كەمەسٸن پايدالانۋعا رۇقسات ەتۋ (تاريف – 1 ساعات ٷشٸن 760 000 تەڭگە); 

- Hawker 800/900, Dornier-328, Bombardier CRJ-200, Pilatus PC-24-350 ٷلگٸسٸندەگٸ جاڭا ەۋە كەمەسٸن پايدالانۋعا رۇقسات ەتۋ (تاريف – 1 ساعات ٷشٸن 2 120 000 تەڭگە). 

«سونىمەن قاتار, دەنساۋلىق ساقتاۋ مينيسترلٸگٸ مەملەكەتتٸك تاپسىرمانى ورىنداۋ اياسىندا «ۇلتتىق شۇعىل مەديتسينانى ٷيلەستٸرۋ ورتالىعى» رەسپۋبليكالىق مەملەكەتتٸك كەسٸپورىنىنان قوسالقى مەردٸگەرگە بٶلٸنەتٸن بيۋدجەت قاراجاتىنىڭ ٷلەسٸن ۇلعايتۋعا قاتىستى بيۋدجەت كودەكسٸنە ٶزگەرٸستەر ەنگٸزۋ مەسەلەسٸن بەلگٸلەنگەن تەرتٸپپەن پىسىقتاۋدا», - دەدٸ پرەمەر-مينيستر.