قر بٸلٸم جەنە عىلىم مينيسترٸ ەرلان ساعاديەۆ قازاق-تٷرٸك ليتسەيلەرٸ تۋرالى جاعدايعا پٸكٸر بٸلدٸردٸ, - دەپ حابارلايدى kaz.tengrinews.kz تٸلشٸسٸ.
"قتل-دەر تۋرالى, ليتسەيلەرٸمٸز تۋرالى ايتقىم كەلەدٸ. پرەزيدەنتتٸڭ تاپسىرماسىمەن بعم-دە جۇمىس توبى قۇرىلىپ, جۇمىسىن باستاپ كەتتٸ. بٸز تٷرٸك تاراپىمەن بايلانىستى جۇمىس ٸستەيمٸز. بٸراق مۇنىڭ وقۋ پروتسەسسٸنە قاتىسى جوق. ولار بٸزدٸڭ قازاقستاندىق مەكتەپتەر, بٸزدٸڭ ستاندارتتارمەن بٸلٸم بەرەدٸ. بٸز ولاردى بٸرنەشە رەت تەكسەرگەنبٸز. ولارعا ايتار شاعىمىمىز جوق. ليتسەيلەر وسىعان دەيٸن قالاي جۇمىس ٸستەپ كەلسە, بۇدان كەيٸن دە سولاي جۇمىس ٸستەيتٸن بولادى", - دەدٸ تامىز جينالىسى بارىسىندا ساعاديەۆ.
ەسكە سالايىق, مەملەكەت باسشىسى تٷرٸك ليدەرٸمەن كەزدەسۋٸندە قازاقستاندا انكارا وپپوزيتسييالىق يسلام ۋاعىزشىسى فەتحۋللاح گٷلەنمەن بايلانىسى بار دەپ ەسەپتەيتٸن بارلىق مەكتەپتٸڭ تەكسەرٸلەتٸنٸن مەلٸمدەگەن بولاتىن.
"بۇل مەكتەپتەر مەملەكەتتٸڭ باقىلاۋىندا. بٸز تٷركيياعا قاۋٸپ تٶندٸرەتٸندەردٸ قولدامايمىز. بۇل بٸزدٸڭ مٷددەمٸز ەمەس. وسى مەكتەپتەردٸڭ بارلىعىن تەكسەرەمٸز دەپ كەلٸستٸك. ەگەر ولاردىڭ بايلانىسى (گٷلەنمەن) دەلەلدەنسە, بٸز مۇعالٸمدەردٸ اۋىستىرامىز. (...) ەگەر ولاردىڭ اراسىندا تەرروريزممەن بايلانىسى بارلار بولسا, تٷركييانىڭ تالابىنا تولىقتاي جاۋاپ بەرەمٸز", - دەپ مەلٸمدەگەن ەدٸ نازارباەۆ تٷركييا پرەزيدەنتٸ رەجەپ تاييپ ەردوعانمەن بٸرگە ٶتكٸزگەن باسپاسٶز مەسليحاتىندا.
ەردوعاننىڭ ايتۋىنشا, ول نازارباەۆقا گٷلەنمەن قاتىسى بار دەلٸنگەن 33 مەكتەپتٸڭ تٸزٸمٸن بەرگەن, سونىمەن قاتار ول وسى مەكتەپتەردٸڭ قىزمەتٸنە الاڭداۋشىلىق بٸلدٸرٸپ, "قازاقستاننان وسىعان بايلانىستى قادام" كٷتٸپ وتىرعانىن مەلٸمدەگەن ەدٸ.
ايتا كەتەيٸك, قازاقستاندا 27 مەملەكەتتٸك قازاق-تٷرٸك ليتسەيٸ بار. تٷركييادا 16 شٸلدەدە مەملەكەتتٸك تٶڭكەرٸس جاساۋ ەرەكەتٸنەن كەيٸن تٷرٸك بيلٸگٸ قازاق-تٷرٸك ليتسەيلەرٸمەن بايلانىسى جوق ەكەنٸن مەلٸمدەگەن بولاتىن.
الايدا قر بٸلٸم جەنە عىلىم مينيسترلٸگٸنٸڭ ٶكٸلدەرٸ قازاقستاندا قازاق-تٷرٸك ليتسەيلەرٸنٸڭ جۇمىسى جالعاساتىنىن مەلٸمدەدٸ. "قر بعم ەلٸمٸزدەگٸ قتل قىزمەتٸنە قاتىستى ٶزٸنٸڭ رەسمي ۇستانىمىن جەتكٸزەدٸ: بۇل بٸلٸم بەرۋ مەكەمەلەرٸ (قازاقستاندا 27 مەملەكەتتٸك قازاق-تٷرٸك ليتسەيٸ بار) بۇرىن قالاي جۇمىس ٸستەسە, الداعى ۋاقىتتا تۋرا سولاي جۇمىس ٸستەيدٸ, وقۋشىلار مەن اتا-انالارعا باسقا مەكتەپ ٸزدەۋگە تۋرا كەلەدٸ دەپ ساقتانۋعا سەبەپ جوق", - دەپ مەلٸمدەدٸ مينيسترلٸك ٶكٸلدەرٸ.
