QR bilim jáne ǵylym ministri Erlan Saǵadiev qazaq-túrik litseileri týraly jaǵdaiǵa pikir bildirdi, - dep habarlaidy kaz.tengrinews.kz tilshisi.
"QTL-der týraly, litseilerimiz týraly aitqym keledi. Prezidenttiń tapsyrmasymen BǴM-de jumys toby qurylyp, jumysyn bastap ketti. Biz túrik tarapymen bailanysty jumys isteimiz. Biraq munyń oqý protsessine qatysy joq. Olar bizdiń qazaqstandyq mektepter, bizdiń standarttarmen bilim beredi. Biz olardy birneshe ret teksergenbiz. Olarǵa aitar shaǵymymyz joq. Litseiler osyǵan deiin qalai jumys istep kelse, budan keiin de solai jumys isteitin bolady", - dedi tamyz jinalysy barysynda Saǵadiev.
Eske salaiyq, Memleket basshysy túrik liderimen kezdesýinde Qazaqstanda Ankara oppozitsiialyq islam ýaǵyzshysy Fethýllah Gúlenmen bailanysy bar dep esepteitin barlyq mekteptiń tekseriletinin málimdegen bolatyn.
"Bul mektepter memlekettiń baqylaýynda. Biz Túrkiiaǵa qaýip tóndiretinderdi qoldamaimyz. Bul bizdiń múddemiz emes. Osy mektepterdiń barlyǵyn tekseremiz dep kelistik. Eger olardyń bailanysy (Gúlenmen) dáleldense, biz muǵalimderdi aýystyramyz. (...) Eger olardyń arasynda terrorizmmen bailanysy barlar bolsa, Túrkiianyń talabyna tolyqtai jaýap beremiz", - dep málimdegen edi Nazarbaev Túrkiia prezidenti Rejep Taiip Erdoǵanmen birge ótkizgen baspasóz máslihatynda.
Erdoǵannyń aitýynsha, ol Nazarbaevqa Gúlenmen qatysy bar delingen 33 mekteptiń tizimin bergen, sonymen qatar ol osy mektepterdiń qyzmetine alańdaýshylyq bildirip, "Qazaqstannan osyǵan bailanysty qadam" kútip otyrǵanyn málimdegen edi.
Aita keteiik, Qazaqstanda 27 memlekettik qazaq-túrik litseii bar. Túrkiiada 16 shildede memlekettik tóńkeris jasaý áreketinen keiin túrik biligi qazaq-túrik litseilerimen bailanysy joq ekenin málimdegen bolatyn.
Alaida QR Bilim jáne ǵylym ministrliginiń ókilderi Qazaqstanda qazaq-túrik litseileriniń jumysy jalǵasatynyn málimdedi. "QR BǴM elimizdegi QTL qyzmetine qatysty óziniń resmi ustanymyn jetkizedi: bul bilim berý mekemeleri (Qazaqstanda 27 memlekettik qazaq-túrik litseii bar) buryn qalai jumys istese, aldaǵy ýaqytta týra solai jumys isteidi, oqýshylar men ata-analarǵa basqa mektep izdeýge týra keledi dep saqtanýǵa sebep joq", - dep málimdedi ministrlik ókilderi.
