بٷگٸن ٷكٸمەت وتىرىسىندا دەنساۋلىق ساقتاۋ مينيسترٸ الەكسەي تسوي ەلٸمٸزدەگٸ ۆاكتسينامەن قامتاماسىز ەتۋ جۇمىستارى جايىندا باياندادى, دەپ حابارلايدى "ۇلت اقپارات".
«كوروناۆيرۋس ينفەكتسيياسىنا قارسى ۆاكتسينالاۋ جالعاسىپ كەلەدٸ. قازٸرگٸ كەزدە 3,6 ميلليونعا جۋىق دوزا ۆاكتسينا ەگٸلدٸ, ونىڭ ٸشٸندە بٸرٸنشٸ كومپونەنتپەن 2 371 178 ادام قامتىلدى. بۇل - ٶز كەزەگٸندە ەكپە سالىنۋى تيٸس ادامداردىڭ 24 پايىزى. ەكٸنشٸ كومپونەنتپەن 1 264 247 ادام قامتىلدى», - دەدٸ تسوي.
ونىڭ ايتۋىنشا, ەكپە ورىندارىندا ۆاكتسينانىڭ جەتكٸلٸكتٸ دوزاسى بار. وسى ورايدا ۆاكتسينانىڭ 1,2 ملن دوزاعا تارتا بٸرٸنشٸ كومپونەنتٸ جەنە 835 مىڭ ەكٸنشٸ كومپونەنتٸ بار.
«ۆاكتسينانى جەتكٸزۋ كەستەگە سەيكەس جٷرٸپ جاتىر. جەرگٸلٸكتٸ اتقارۋشى ورگاندار ۆاكتسينالاۋ مەن حالىق اراسىندا اقپاراتتىق تٷسٸندٸرۋ جۇمىسىن جانداندىرۋى كەرەك», - دەدٸ مينيستر.
بۇدان بۇرىن حابارلانعانداي, بٷگٸن ٷكٸمەت وتىرىسىندا پرەمەر-مينيستر اسقار مامين بارلىق دەڭگەيدەگٸ ەكٸمدەر ۆاكتسيناتسييا مەسەلەسٸن جەكە باقىلاۋعا الۋى تيٸستٸگٸن ايتتى.
