Búgin Úkimet otyrysynda Densaýlyq saqtaý ministri Aleksei Tsoi elimizdegi vaktsinamen qamtamasyz etý jumystary jaiynda baiandady, dep habarlaidy "Ult aqparat".
«Koronavirýs infektsiiasyna qarsy vaktsinalaý jalǵasyp keledi. Qazirgi kezde 3,6 millionǵa jýyq doza vaktsina egildi, onyń ishinde birinshi komponentpen 2 371 178 adam qamtyldy. Bul - óz kezeginde ekpe salynýy tiis adamdardyń 24 paiyzy. Ekinshi komponentpen 1 264 247 adam qamtyldy», - dedi Tsoi.
Onyń aitýynsha, ekpe oryndarynda vaktsinanyń jetkilikti dozasy bar. Osy oraida vaktsinanyń 1,2 mln dozaǵa tarta birinshi komponenti jáne 835 myń ekinshi komponenti bar.
«Vaktsinany jetkizý kestege sáikes júrip jatyr. Jergilikti atqarýshy organdar vaktsinalaý men halyq arasynda aqparattyq túsindirý jumysyn jandandyrýy kerek», - dedi ministr.
Budan buryn habarlanǵandai, búgin Úkimet otyrysynda Premer-Ministr Asqar Mamin barlyq deńgeidegi ákimder vaktsinatsiia máselesin jeke baqylaýǵa alýy tiistigin aitty.
