قازاقستاندا ەكولوگييالىق مەسەلەلەردٸ شەشۋگە ارنالعان جول كارتاسى ەزٸرلەندٸ. ول 17 باعىتتان تۇرادى. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترلٸگٸ ەكولوگييالىق رەتتەۋ جەنە باقىلاۋ كوميتەتٸنٸڭ تٶراعاسى زۇلفۇحار جولداسوۆ مەلٸم ەتتٸ, دەپ حابارلايدى قازاقپارات.
«بٸزدٸڭ مينيسترلٸك «حالىق ٷنٸنە قۇلاق اساتىن مەملەكەت» تۇجىرىمداماسى اياسىندا ەكولوگييالىق پروبلەمالاردى قوعاممەن, ەسٸرەسە ەكوبەلسەندٸلەرمەن بٸرلەسٸپ شەشۋ جولىن قاراستىردى. جۇرتشىلىقپەن تالقىلاۋ نەتيجەسٸندە ەكٸمدٸك جەنە باسقا دا قۇزىرلى ورگاندارمەن بٸرلەسٸپ ەكولوگييالىق پروبلەمالاردى شەشۋدٸڭ 17 جول كارتاسى ەزٸرلەندٸ. ونىڭ اياسىندا بارلىعى 485 ٸس-شارا قاراستىرىلعان. بيىل سونىڭ 95-ٸن ٶتكٸزۋ جوسپارلانىپ وتىر. بيىلعى جىلدىڭ 1 توقسانىندا 70 ٸس-شارا ٶتكٸزۋ جوسپارلانىپ, ونىڭ 42-سٸ ورىندالدى جەنە 28 ٸس-شارا ەندٸ قولعا الىنادى», - دەدٸ جولداسوۆ وكق-دە ٶتكەن باسپاسٶز مەسليحاتىندا.
ونىڭ ايتۋىنشا, اتالعان جول كارتاسى ٶز نەتيجەسٸن 2025 جىلعا قاراي بەرە باستايدى.
«ەكولوگييالىق پروبلەمالاردى شەشۋ جول كارتاسىن ٸسكە اسىرۋ 2025 جىلعا قاراي ەلٸمٸزدەگٸ 10 قالا اتموسفەراسىنىڭ لاستانۋ يندەكسٸن جوعارى دەڭگەيدەن ورتاشا دەڭگەيگە دەيٸن تٶمەندەتۋگە مٷمكٸندٸك بەرەدٸ. سول ارقىلى ٸرٸ قالالار اۋاسىنىڭ جاي-كٷيٸ جاقسارا تٷسەدٸ. ودان بٶلەك, قاتتى تۇرمىستىق قالدىقتارعا ارنالعان 7 جەنە 24 جاڭا پوليگون سالۋ جوسپارىمىز بار. سول سيياقتى 12 قاتتى تۇرمىستىق قالدىق پوليگونى قايتا جاڭعىرتىلادى», - دەيدٸ ول.
