قازاقستاندا 9 مىڭنان استام كەلٸنشەك بەدەۋلٸكتەن زارداپ شەگەدٸ. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتتى, دەپ حابارلايدى قازاقپارات تٸلشٸسٸ.
«مەملەكەت باسشىسى قازاقستان حالقىنا جولداۋىندا دەنساۋلىق ساقتاۋ مينيسترلٸگٸنٸڭ الدىنا 11 تاپسىرما جٷكتەدٸ. ولار بۇعان دەيٸن تىڭعىلىقتى تالقىلاندى. تەك ەكو-عا كۆوتانى ارتتىرۋعا عانا توقتالعىم كەلەدٸ. پرەزيدەنت ٷكٸمەتكە كەلەسٸ جىلدان باستاپ «اڭساعان سەبي» باعدارلاماسىن ٸسكە قوسۋدى جەنە ەكو باعدارلاماسى بويىنشا كۆوتا سانىن 7 مىڭعا دەيٸن ارتتىرۋدى تاپسىردى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ دەرەگٸنشە, ەكو باعدارلاماسى ەلٸمٸزدە 2010 جىلدان باستاپ مەديتسينالىق كٶمەكتٸڭ كەپٸلدەندٸرٸلگەن كٶلەمٸنە قوسىلعان. بٷگٸندە ەلٸمٸزدە 26 ەكو ورتالىق جۇمىس ٸستەيدٸ. ونىڭ 21-ٸ جەكەمەنشٸك سانالادى.
«قازٸرگٸ ۋاقىتتا وسى ەدٸسپەن 22 مىڭنان استام بالا دٷنيەگە كەلدٸ. ەلەكتروندى دەنساۋلىق ساقتاۋ رەسپۋبليكالىق ورتالىعىنىڭ اقپاراتتىق جٷيەسٸنە سەيكەس, بەدەۋلٸكپەن ەسەپتە 9 467 ەيەل تۇر», - دەدٸ باعدات قوجاحمەتوۆ.
