Qazaqstanda 9 myńnan astam kelinshek bedeýlikten zardap shegedi. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy QazAqparat tilshisi.
«Memleket basshysy Qazaqstan halqyna Joldaýynda Densaýlyq saqtaý ministrliginiń aldyna 11 tapsyrma júktedi. Olar buǵan deiin tyńǵylyqty talqylandy. Tek EKO-ǵa kvotany arttyrýǵa ǵana toqtalǵym keledi. Prezident Úkimetke kelesi jyldan bastap «Ańsaǵan sábi» baǵdarlamasyn iske qosýdy jáne EKO baǵdarlamasy boiynsha kvota sanyn 7 myńǵa deiin arttyrýdy tapsyrdy», - dedi ol Ortalyq kommýnikatsiialar qyzmetindegi baspasóz máslihatynda.
Onyń dereginshe, EKO baǵdarlamasy elimizde 2010 jyldan bastap meditsinalyq kómektiń kepildendirilgen kólemine qosylǵan. Búginde elimizde 26 EKO ortalyq jumys isteidi. Onyń 21-i jekemenshik sanalady.
«Qazirgi ýaqytta osy ádispen 22 myńnan astam bala dúniege keldi. Elektrondy densaýlyq saqtaý respýblikalyq ortalyǵynyń aqparattyq júiesine sáikes, bedeýlikpen esepte 9 467 áiel tur», - dedi Baǵdat Qojahmetov.
