ەلٸمٸزدە 670-تەن استام تەمٸرجول جەنە 482 اۆتوموبيل جولى ۋچاسكەسٸن سۋ باسۋ قاۋپٸ بار. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".
«مەملەكەتتٸك ورگاندار سۋ تاسقىنى جاعدايىن بولجاۋ ٷشٸن قازاقستان اۋماعىنا تٶنگەن تابيعي قاۋٸپتەر مەن اپاتتى قۇبىلىستار تۋرالى داۋىلدى ەسكەرتۋلەردٸ ۇيىمداستىرۋدا رەسمي اقپاراتتىق قىزمەت كٶرسەتۋ قۇقىعى بار, جالعىز جاۋاپتى ورگان سانالاتىن «قازگيدرومەت» رمك مەلٸمەتتەرٸن پايدالانادى. بۇعان قوسا, مەملەكەتتٸك ورگاندار جايىق, سىردارييا, تالاس, شۋ ترانسشەكارالىق ٶزەندەرٸنٸڭ سۋ تاسقىنى جاعدايىنا بولجام جاساۋ ٷشٸن رەسەي, ٶزبەكستان جەنە قىرعىزستاننىڭ گيدرومەتەورولوگييالىق قىزمەتتەرٸنٸڭ بولجامدى مەلٸمەتتەرٸن پايدالانادى», - دەدٸ ٷكٸمەت باسشىسى.
ونىڭ اتاپ ٶتۋٸنشە, «قازگيدرومەت» مەلٸمەتتەرٸنە سەيكەس, وسى جىلدىڭ 11 ناۋرىزىندا سولتٷستٸك قازاقستان, اقمولا, اقتٶبە, قوستاناي, باتىس قازاقستان, قاراعاندى وبلىستارىنداعى ٶزەن باسسەيندەرٸندەگٸ ىلعالدىلىق كٶلەمٸ ورتاشا كٶپجىلدىق مەننەن جوعارى بولىپ وتىر. سونىمەن قاتار اقمولا, باتىس قازاقستان, قاراعاندى, قوستاناي جەنە سولتٷستٸك قازاقستان وبلىستارىندا جەر توڭىنىڭ قالىڭدىعى دا ٶتكەن جىلعى كٶرسەتكٸشتەن جوعارى.
«بۇعان قوسا, اتالعان ٶڭٸرلەردە قار جينالۋ پروتسەسٸ جالعاسىپ جاتىر. وسىلايشا, اۋا تەمپەراتۋراسى كٷرت جىلىنىپ, قار ەريتٸن بولسا, وندا 276 ەلدٸ مەكەندٸ (270 مىڭنان استام ادام تۇرادى), اۆتوموبيل جولدارىنىڭ 482 ۋچاسكەسٸن, تەمٸرجولدىڭ 673 ۋچاسكەسٸن, 59 اۆتوموبيل كٶپٸرٸن سۋ باسۋ قاتەرٸ بار», - دەدٸ اسقار مامين.
