ەلٸمٸزدە 136 مىڭ ادام رەۆاكتسيناتسييا جاساتتى. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«حالىقتى كۆي-گە قارسى ۆاكتسيناتسييالاۋ جالعاسۋدا. 1-كومپونەنتپەن 8,8 ملن-نان استام ادام ەگٸلدٸ. ەگٸلۋگە تيٸستٸ ەرەسەك حالىقتى قامتۋ 77,8 پايىزىن قۇرادى. ەگٸلۋگە تيٸستٸ ەرەسەك تۇرعىنداردىڭ 72,9 پايىزىن قامتي وتىرىپ, ەكٸنشٸ كومپونەنتپەن 8,3 ملن-نان استام ادام ەگٸلدٸ», - دەدٸ مينيستر.
ونىڭ اتاپ ٶتۋٸنشە, ەل حالقىن بٸرٸنشٸ كومپونەنتپەن قامتۋ 47,6, ەكٸنشٸ كومپونەنتپەن قامتۋ 43,8 پايىزدى قۇرادى.
«رەۆاكتسيناتسييانى 136 مىڭ قازاقستان ازاماتى الدى», - دەدٸ الەكسەي تسوي.
