جامبىل اۋدانى اۋماعىندا تابيعاتتى قورعاۋ بٶلٸمٸنٸڭ پوليتسەيلەرٸ زاڭسىز اڭ اۋلاۋمەن اينالىسقان 39 جاستاعى جەرگٸلٸكتٸ تۇرعىندى قولعا تٷسٸردٸ, دەپ حابارلايدى «ۇلت اقپارات» الماتى وبلىسىنىڭ پوليتسييا دەپارتامەنتٸنە سٸلتەمە جاساپ.
ارنايى رەيد بارىسىندا ىنتىماق اۋىلىنىڭ ماڭىنداعى اڭشىلىق القاپ اۋماعىندا قولىنا تٷسكەن ازامات رەسەي فەدەراتسيياسىنىڭ تۋماسى بولىپ شىقتى. ول تيٸستٸ رۇقساتى جوق بولعانىنا قاراماستان زاڭسىز اڭ اۋلاعان.
«ەر ادام ٶزٸنٸڭ مىلتىعىمەن 2 سٸبٸر ەلٸگٸن زاڭسىز اتىپ العان. وسىلايشا جانۋارلار ەلەمٸنە 2 083 500 تەڭگە كٶلەمٸندە زييان كەلتٸرگەن. اتالعان فاكتٸ سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەلٸپ, قر قىلمىستىق كودەكسٸنٸڭ 337-بابى بويىنشا تەرگەلدٸ. بارلىق زاتتاي دەلەلدەر تەركٸلەندٸ. ۇستالعاننان كەيٸن اڭشى سوت الدىندا جاۋاپ بەردٸ. سوت قىلمىستىق-اتقارۋ جٷيەسٸ مەكەمەلەرٸندە جازاسىن ٶتەي وتىرىپ, اڭ اۋلاۋمەن اينالىسۋ قۇقىعىنان 3 جىل مەرزٸمگە ايىرا وتىرىپ, 1 جىل 6 ايعا باس بوستاندىعىنان ايىرۋعا ٷكٸم شىعاردى», - دەدٸ الماتى وبلىستىق پوليتسييا دەپارتامەنتٸ ٶكٸلدەرٸ.
تابيعاتتى قورعاۋ پوليتسيياسىنىڭ قىزمەتكەرلەرٸ ٷنەمٸ اڭ جەنە بالىق اۋلاۋ ەرەجەلەرٸن ساقتاۋ, براكونەرلٸك فاكتٸلەردٸڭ الدىن الۋ بويىنشا رەيدتەر جٷرگٸزەدٸ. «بۇل ٸس-شارالار مٷددەلٸ ۇيىمداردىڭ ٶكٸلدەرٸمەن بٸرلەسٸپ ٶتكٸزٸلەدٸ. جىل باسىنان بەرٸ وبلىستا 132 قىلمىستىق ٸس قوزعالىپ, 1033 تابيعات قورعاۋ زاڭناماسىن بۇزۋ ەرەكەتٸ انىقتالدى», - دەيدٸ الماتى وبلىسى پوليتسييا دەپارتامەنتٸ تابيعاتتى قورعاۋ پوليتسيياسىنىڭ اعا ينسپەكتورى, پوليتسييا مايورى سەرٸك بايعوزينوۆ.
