قازاقستاننىڭ بٸرٸنشٸ, ەلەمنٸڭ 5-راكەتكاسى ەلەنا رىباكينا ەبۋ-دابي (واە) WTA 500 تۋرنيرٸنٸڭ جەڭٸمپازى اتاندى, دەپ حابارلايدى "ۇلت اقپارات".
قازاقستاندىق تەننيسشٸ فينالدا ەلەمنٸڭ 14-راكەتكاسى, رەسەيلٸك داريا كاساتكينامەن باس جٷلدەنٸ ساراپقا سالدى.
وسىعان دەيٸن قارسىلاستار تٶرت مەرتە كەزدەسكەن ەدٸ. ەسەپ تەڭ – 2:2.
بۇل جولى بٸرٸنشٸ پارتييادا رىباكينا بەت قاراتپادى – 6:1. ەلەنا ەكٸنشٸ سەتتە دە برەيكپەن العا كەتكەنٸمەن, رەسەيلٸك تەننيسشٸ سول بويدا تارازى باسىن تەڭەستٸردٸ – 2:2.
ەسەپ 4:4 بولعان مەزەتتە رىباكينا تاعى بٸر برەيك جاساي الدى – 5:4. سودان كەيٸن ماتچقا دوپ بەرگەندە, قاتەلەسكەن جوق – 6:4.
بٸر ساعات 10 مينۋتقا سوزىلعان بەسەكە بارىسىندا ەلەنا 3 ەيسپەن بٸرگە 10 برەيك-پوينتتىڭ التاۋىن ٶز ەسەبٸنە جازدى. وسىلايشا, بيىل ەلەنا رىباكينا WTA 500 جارىسىندا ەكٸنشٸ رەت جەڭٸمپاز اتاندى. ول ٶتكەن ايدا بريسبەندە (اۋسترالييا) ٷزدٸك شىققان ەدٸ.
