2020 جىلدىڭ III توقسانىندا ەلەكتروندىق ەڭبەك بيرجاسىندا (بۇدان ەرٸ – ەەب) بٸلٸكتٸ قىزمەتكەرلەر ٷشٸن 176 مىڭ بوس جۇمىس ورنى ورنالاستىرىلعان. بۇل II توقسانعا قاراعاندا 20,1 مىڭعا جەنە I توقسانعا قاراعاندا 48,9 مىڭعا كٶپ, دەپ حابارلايدى "ۇلت اقپارات" قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«ەڭبەك رەسۋرستارىن دامىتۋ ورتالىعى» اق-دا (بۇدان ەرٸ – ەردو) اتاپ ٶتكەندەي, اعىمداعى جىلدىڭ شٸلدە ايىندا بوس جۇمىس ورىندارىنىڭ ەڭ از سانى ورنالاستىرىلعان – 44,4 مىڭ, بۇل 5 شٸلدەدەن 3 تامىزعا دەيٸن قوسىمشا كارانتيندٸك شارالاردى ەنگٸزۋگە بايلانىستى بولۋى مٷمكٸن. بٸراق بٸرتٸندەپ جەڭٸلدەگەننەن كەيٸن سۇرانىستىڭ ٶسۋ تەندەنتسيياسى بايقالدى.
«تٷيٸندەمەنٸ ورنالاستىرۋ بويىنشا دا وسىنداي ديناميكا بار. مەسەلەن, 2020 جىلدىڭ شٸلدەسٸنە 32,3 مىڭ بولدى, بٸراق III توقساننىڭ قورىتىندىسى بويىنشا جۇمىس ٸزدەپ جٷرگەن 123,1 مىڭ مامان بار بولىپ شىقتى. تەك توقسانعا عانا ەمەس, سونىمەن قاتار سوڭعى 12 اي بويىنشا دا قىركٷيەك ايىندا ەەب-دا ەڭ كٶپ – 47,3 مىڭ تٷيٸندەمە ورنالاستىرىلعان», – دەدٸ ەردو بولجاۋ دەپارتامەنتٸنٸڭ ديرەكتورى دميتريي شۋمەكوۆ.
بٸلٸكتٸ قىزمەتكەرلەرگە ەڭ كٶپ قاجەتتٸلٸك نۇر-سۇلتان (23,2 مىڭ بوس ورىن) جەنە الماتى (19,3 مىڭ) قالالارىندا, سونداي-اق قوستاناي (19,1 مىڭ) جەنە قاراعاندى (17,6 مىڭ) وبلىستارىندا بايقالدى. اتىراۋ, ماڭعىستاۋ, قىزىلوردا, تٷركٸستان جەنە جامبىل وبلىستارىندا تٷيٸندەمەلەر سانى ۇسىنىلعان ۆاكانسييالار سانىنان باسىم ەكەنٸ بايقالادى. اتىراۋ وبلىسىندا 100 بوس ورىنعا 220 تٷيٸندەمە, قىزىلوردا وبلىسىندا – 180 تٷيٸندەمە, ماڭعىستاۋ وبلىسىندا – 142 تٷيٸندەمە كەلدٸ.
ايتا كەتۋ كەرەك, كەسٸبي توپتار بويىنشا كەسٸپقوي ماماندار ەڭ بەلسەندٸلەرٸ بولىپ تابىلادى, ولاردىڭ سۇرانىسى تۇتاستاي ۇسىنىسقا سەيكەس. ەەب-دا ٶنەركەسٸپ, قۇرىلىس, كٶلٸك جەنە باسقا دا ۇقساس سالالار ٷشٸن 40 مىڭنان استام بوس جۇمىس ورنى ورنالاستىرىلدى. ەردو ساراپشىلارىنىڭ پٸكٸرٸنشە, بۇل توپقا سۇرانىس «جۇمىسپەن قامتۋدىڭ جول كارتاسى» باعدارلاماسىن جٷزەگە اسىرۋمەن بايلانىستى. بۇل رەتتە جول جۇمىسشىسى ماماندىعى ٶتكەن توقسانداعىداي رەسپۋبليكا بويىنشا تاپشى ماماندىقتار قاتارىندا تۇر. مۇندا 4,8 مىڭ ادام جەتٸسپەيدٸ.
