ەربٸر تالاپكەر جەكە كومپيۋتەردە وتىرىپ, ۇبت تاپسىرمالارىن ورىندايدى. بۇل تۋرالى قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ ايتتى, دەپ حابارلايدى قازاقپارات.
«ۇلتتىق بٸرىڭعاي تەستٸلەۋ ەلەكتروندى فورماتتا «بٸر تەستٸلەنۋشٸ – بٸر كومپيۋتەر – بٸر كامەرا» قاعيداتى بويىنشا ۇيىمداستىرىلادى. دەمەك, ەربٸر قاتىسۋشى جەكە كومپيۋتەردە وتىرىپ, ۇبت تاپسىرمالارىن ورىندايدى. اقپاراتتىق قاۋٸپسٸزدٸكتٸ قامتاماسىز ەتۋگە ەرەكشە نازار اۋداردىق. تەستٸلەۋ پروتسەسٸ شيفرلاۋ ەلەمەنتتەرٸ بار ارنايى جابىق VPN جەلٸسٸ ارقىلى جٷزەگە اسىرىلادى», - دەدٸ ە. تويباەۆ ورتالىق كوممۋنيكاتسييالار قىزمەتٸندە.
بٸلٸم مينيسترلٸگٸنٸڭ مەلٸمەتٸنشە, اۋديتورييادا نە بولىپ جاتقانىن كٶرسەتەتٸن كامەرالاردان باسقا, تەستٸلەنۋشٸ وتىراتىن ەر ٷستەلدٸڭ ٷستٸندە تاعى بٸر كامەرا ورناتىلادى. پروكتورينگ پەن بەينەباقىلاۋدىڭ زاماناۋي جٷيەسٸ جەنە ۇبت-دا بٶگدە ادامداردى بولدىرماۋ ٷشٸن Face ID تسيفرلىق سەيكەستەندٸرۋ قۇرىلعىسى پايدالانىلادى.
ەرەجەلەردٸڭ ساقتالۋىن ارنايى كومپيۋتەرلٸك باعدارلاما باقىلايدى, ول تىيىم سالىنعان زاتتاردى قولدانۋ فاكتٸلەرٸن اۆتوماتتى تٷردە انىقتايدى. ەگەر ۇبت تاپسىرۋ كەزٸندە تالاپكەردٸڭ سمارتفون, شپارگالكا جەنە ت.ب. تىيىم سالىنعان زاتتاردى پايدالانعانى انىقتالسا, تەستٸلەۋ اۆتوماتتى تٷردە توقتاتىلادى, تەستٸلەنۋشٸنٸڭ نەتيجەلەرٸ جويىلادى.
تەستٸلەۋ پروتسەسٸن قوسىمشا احۋالدىق ورتالىق باقىلايدى. سونداي-اق اشىقتىق پەن وبەكتيۆتٸلٸكتٸ قامتاماسىز ەتۋ ٷشٸن ۇبت-نى ٶتكٸزۋ رەسٸمٸنە قازاقستان رەسپۋبليكاسى سىبايلاس جەمقورلىققا قارسى ٸس-قيمىل اگەنتتٸگٸنٸڭ ارنايى مونيتورينگتٸك توبى مەن «ادالدىق الاڭى» جوبالىق كەڭسەسٸنٸڭ ٶكٸلدەرٸ شاقىرىلاتىن بولادى.
