قر ساۋدا جەنە ينتەگراتسييا مينيسترٸ باقىت سۇلتانوۆ ەلەكتروندى كوممەرتسييادا قۇقىق قورعاۋدى جەتٸلدٸرۋ تۋرالى ايتتى, دەپ حابارلايدى قازاقپارات.
«پاندەمييا ەلەكتروندى كوممەرتسييادا قۇقىقتاردى قورعاۋدى جەتٸلدٸرۋ قاجەتٸلٸگٸن كٶرسەتتٸ. تەك 2020 جىلى مينيسترلٸككە ينتەرنەت-دٷكەندەر مەن ونلاين قىزمەتكە بايلانىستى 689 ادام جٷگٸندٸ. قابىلدانعان شارالار نەتيجەسٸندە 13,2 ملن تەڭگە قايتارىلدى», - دەدٸ سۇلتانوۆ ونلاين رەجيمدە حالىق الدىندا ەسەپ بەرۋٸ كەزٸندە.
ونىڭ ايتۋىنشا, 2021 جىلدىڭ بەس ايىندا 556 ادام جٷگٸنگەن, ولارعا 7 ملن تەڭگە قايتارىلدى.
«وسىعان بايلانىستى تۇجىرىمداما جوباسىندا بٶلەك بٶلٸم قاراستىرىلعان. وندا ەلەكتروندى ساۋدا تۇتىنۋشىلارىنىڭ قۇقىقتارىن قورعاۋدى كٷشەيتۋ تەتٸكتەرٸ ەسكەرٸلگەن. وسى ورايدا ەلەكتروندى ساۋدا قاتىسۋشىلارىنىڭ قۇقىقتارى مەن مٸندەتتەرٸ ناقتى ايقىندالادى», - دەدٸ مينيستر.
وسى ورايدا ول اتالعان تۇجىرىمدا جوباسىن تالقىلاۋعا قاتىسۋعا شاقىردى, قۇجات مينيسترلٸك سايتىندا ورنالاستىرىلعان.
