يندۋسترييا جەنە ينفراقۇرىلىمدىق دامۋ, ساۋدا جەنە ينتەگراتسييا مينيسترلٸكتەرٸ ەلەكتر جەلٸسٸ تٸرەكتەرٸنٸڭ ساپاسىنا قويىلاتىن تالاپتاردى قايتا قاراۋدى ٶتٸندٸ, دەپ حابارلايدى قازاقپارات.
نۇرلان نوعاەۆ مۇنداي ٶتٸنٸشتٸ ەرٸپتەستەرٸنە ٷكٸمەت وتىرىسى كەزٸندە ايتتى.
«بيىل 13 ناۋرىزدا مۇزدى جاڭبىر مەن ەكپٸندٸ جەلدٸڭ كەسٸرٸنەن ەلەكتر سىمدارى مۇزدانىپ, «KEGOC» اكتسيونەرلٸك قوعامىنا تيەسٸلٸ ەلەكتر بەرۋ جەلٸسٸنٸڭ 243 تٸرەگٸ جەنە «وڭتٷستٸك جارىق ترانزيت» جشس-نە تيەسٸلٸ ەلەكتر جەلٸسٸنٸڭ 5270 تٸرەگٸ قۇلادى. سونىڭ سالدارىنان تٷركٸستان وبلىسىنىڭ 83 ەلدٸ مەكەنٸ ەلەكترسٸز قالدى», - دەگەن ۆەدومستۆو باسشىسى سوڭعى جىلدارى ەلەكتر جەلٸسٸنٸڭ بويىنداعى دٸڭگەكتەردەن جيٸ اقاۋ شىعا باستاعانىن پروبلەما ەتٸپ كٶتەردٸ.
«سوڭعى جىلدارى تابيعات قۇبىلىستارىنىڭ سالدارىنان قازاقستاننىڭ بٸرتۇتاس ەلەكتر ەنەرگەتيكالىق جٷيەسٸنٸڭ ەلەكتر جەلٸلەرٸ جالعانعان تەمٸربەتون تٸرەكتەردٸڭ بٷلٸنۋ جاعدايلارى جيٸلەپ كەتكەنٸن اتاپ ٶتكٸم كەلەدٸ. وسىعان بايلانىستى, ەلەكتر جەلٸلەرٸنٸڭ قولايسىز تابيعي-كليماتتىق ەسەرلەرگە سەنٸمدٸلٸگٸ مەن تٶزٸمدٸلٸگٸن ارتتىرۋ ٷشٸن يندۋسترييا جەنە ينفراقۇرىلىمدىق دامۋ, ساۋدا جەنە ينتەگراتسييا مينيسترلٸكتەرٸندەگٸ ەرٸپتەستەرٸمە ەلەكتر جەلٸلەرٸنٸڭ تٸرەكتەرٸ مەن ولاردىڭ كونسترۋكتسييالىق ەلەمەنتتەرٸنٸڭ ساپاسىنا قويىلاتىن قولدانىستاعى ستاندارتتار مەن باسقا دا نورمالاردىڭ تالاپتارىن قايتا قاراۋ تۋرالى ٶتٸنٸش بٸلدٸرگٸم كەلەدٸ», - دەدٸ ول.
