قازاقستاندا ەلەكتر ەنەرگيياسىنىڭ قۇنى 6,5%-عا ارزاندادى, دەپ حابارلايدى "ۇلت اقپارات" Energyprom رەسۋرسىنا سٸلتەمە جاساپ.
جازدىڭ سوڭىنا قاراي ەلدە ساعاتىنا 69,6 ملرد كۆت ەلەكتر ەنەرگيياسى ٶندٸرٸلدٸ. بۇل ٶتكەن جىلمەن سالىستىرعاندا 2,3%-عا كەم.
العاشقى جارتىجىلدىقتىڭ قورىتىندىسى بويىنشا ەلەكتر ەنەرگيياسىنىڭ 80,5% - جىلۋ ەلەكتر ستانسالارىنىڭ ەنشٸسٸندە, 9,7% - گيدروەلەكتروستانسالارى, 8,6%-ىن گازوتۋربيندٸ ستانسالار ٶندٸرگەن.
جەل ەلەكتر ستانسالارى بٷكٸل ەلەكتر ەنەرگيياسىنىڭ تەك 0,9% عانا ٶندٸرگەن. بۇل كٶرسەتكٸش بىلتىرعى جىلدىڭ كٶرسەتكٸشٸمەن سالىستىرعاندا 40 پايىزعا ارتىق.
قاڭتار-شٸلدە ارالىعىندا قازاقستاننىڭ كەي ٶڭٸرلەرٸندە ەلەكتر ەنەرگيياسى 6,5%-عا ارزاندادى.
باعالاردىڭ ارزانداۋى اتىراۋ, ماڭعىستاۋ, الماتى وبلىستارىندا تٸركەلدٸ.
بٸر ايتا كەتەرلٸگٸ, بىلتىر قاڭتار-شٸلدە ارالىعىنداعى ەلەكتر ەنەرگيياسىنىڭ قۇنى 2017 جىلمەن سالىستىرعاندا 5,5%-عا قىمباتتاعان.
