قازاقستانداعى تەرروريزمگە قارسى وپەراتسييالار تۋرالى رەسمي اقپارات تاراتىن Telegram-كانال اشىلدى, دەپ حابارلايدى قازاقپارات.
Telegram جەلٸسٸندەگٸ جاڭا ارنا «الماتى تراگەديياسى» اتاۋىمەن اشىلعان. بۇل ارنادا قازاقستاننىڭ بارلىق ٶڭٸرٸندەگٸ لاڭكەستٸككە قارسى وپەراتسييالار تۋرالى اقپاراتتار جارييالاناتىن بولادى.
وسى ۋاقىتقا دەيٸن مۇندا جاپپاي تەرتٸپسٸزدٸكتەن كەيٸنگٸ جەدەل جەلٸ نٶمٸرلەرٸ, بۇزاقىلار مەن ۇرىلاردىڭ ۇستالۋى, جاڭا تاعايىنداۋلار, سوڭعى ستاتيستيكالىق دەرەكتەر مەن ينفوگرافيكالار, فەيك اقپاراتتاردى تەرٸسكە شىعارۋ تٷسٸندٸرمەلەرٸ ۇسىنىلعان.
ەزٸرگە Telegram-كانالدا 5 مىڭنان استام جازىلۋشى بار.
ەسكە سالا كەتسەك, قاڭتار ايىنىڭ باسىندا جااٶزەندە سۇيىتىلعان گاز باعاسىنىڭ قىمباتتاۋىنا قارسى نارازىلىق اكتسييالار بٸرنەشە ٶڭٸردەگٸ جاپپاي تەرتٸپسٸزدٸكتەرگە, تٸپتٸ تەرروريستٸك شابۋىلدارعا ۇلاسقان ەدٸ. مەملەكەت باسشىسى 5 قاڭتار كٷنٸ قازاقستاننىڭ بارلىق ايماعىندا تٶتەنشە جاعداي رەجيمٸن جارييالادى.
ەزٸرگە رەسپۋبليكا بويىنشا جاپپاي تەرتٸپسٸزدٸكتەرگە قاتىسقان 7 939 ادام ۇستالدى.
