قازاقستاننىڭ تۇڭعىش پرەزيدەنتٸ «اتامەكەن» تاريحي-مەدەني ورتالىعىندا شامالعان اۋىلىنىڭ تۇرعىندارىمەن جٷزدەستٸ.
– تۋعان اۋىلىما كەلگەن سايىن ەرقاشان بالالىق شاعىمدى جىلى سەزٸممەن ەسكە الامىن. مەنٸڭ جٷرٸپ ٶتكەن جولىم وڭاي بولعان جوق, مەملەكەتٸمٸزدٸڭ ٸلگەرٸلەۋٸ مەن ٶركەندەۋٸ ٷشٸن كٶپ ەڭبەك ەتتٸم. شارشاعان كەزدەرٸمدە ەكەم ەكەۋٸمٸز جيٸ سەرۋەندەگەن شامالعاننىڭ كٶشەلەرٸ مەن تاۋ بٶكتەرلەرٸن ەسٸمە الاتىنمىن. سول سەتتە-اق شارشاعانىم باسىلادى, – دەدٸ ەلباسى.
قازاقستاننىڭ تۇڭعىش پرەزيدەنتٸ جٷرگٸزٸلٸپ جاتقان ساياساتتىڭ ارقاسىندا ەلٸمٸزدٸڭ حالىقارالىق ارەنادا مويىندالعانىن اتاپ ٶتتٸ.
– بٸز ٷلكەن جۇمىس اتقاردىق. بۇرىن ەشكٸمگە بەلگٸلٸ بولماعان قازاقستان بٷگٸن بٷكٸل ەلەمگە تانىلدى. قازاقستاندىقتار تٷرلٸ ەلدەرگە بارىپ, دٷنيە جٷزٸنٸڭ ەڭ ٷزدٸك وقۋ ورىندارىندا بٸلٸم الۋ مٷمكٸندٸگٸنە يە بولدى, – دەدٸ نۇرسۇلتان نازارباەۆ.
سونداي-اق, ەلباسى الداعى قىزمەتٸ جٶنٸندەگٸ جوسپارلارىنا توقتالدى.
– مەن ەلباسى رەتٸندە ستراتەگييالىق مەسەلەلەرگە كٶڭٸل بٶلەتٸن بولامىن. قاسىم-جومارت توقاەۆ مەنٸڭ ارتقان ٷمٸتٸمدٸ اقتايدى دەپ سەنەمٸن, – دەدٸ قازاقستاننىڭ تۇڭعىش پرەزيدەنتٸ.
نۇرسۇلتان نازارباەۆ ەلٸمٸزدٸ جاڭعىرتۋ جٶنٸندە قابىلدانىپ جاتقان شارالار, ەڭ الدىمەن, جاستاردى قولداۋعا جەنە ولاردىڭ دامۋىنا باعىتتالعانىن اتاپ ٶتتٸ.
– مەن قازاقستاننىڭ بولاشاعى جارقىن بولاتىنىنا سەنەمٸن. ول ٷشٸن بارلىق جاعداي جاسالعان. كٸم بيزنەس اشقىسى كەلسە, وعان نەسيە بەرٸلەدٸ. ماماندىعى جوق بولسا, مەملەكەت وعان جاڭا كەسٸپتٸك بٸلٸم بەرەدٸ. مەسەلە جۇمىستىڭ جوعىندا ەمەس, ماماندىقتىڭ بولماۋىندا. سونىمەن قاتار, بٸز اۋىلداردى دامىتۋ ٷشٸن كٶپتەگەن باعدارلامالاردى جٷزەگە اسىرىپ جاتىرمىز, – دەپ تٷيٸندەدٸ ەلباسى.
سونداي-اق, نۇرسۇلتان نازارباەۆ بيىل ەلٸمٸزدە تەڭدەسٸ جوق ەلەۋمەتتٸك شارالار قولعا الىنىپ وتىرعانىن اتاپ ٶتتٸ. رەسپۋبليكادا ازاماتتاردىڭ تۇرمىس ساپاسىن ارتتىرۋ ٷشٸن تٷرلٸ باعدارلامالار ٸسكە اسىرىلۋدا. سونىمەن بٸرگە, قازاقستاننىڭ تۇڭعىش پرەزيدەنتٸ قوعامدا پاتەرناليستٸك تٷسٸنٸككە جول بەرمەۋدٸڭ ماڭىزدىلىعىنا باسا نازار اۋداردى.
– كەز كەلگەن ەر ادامنىڭ ار-نامىسى بولۋعا تيٸس. بالا تەربيەسٸ, ەڭ الدىمەن, اتا-انانىڭ جاۋاپكەرشٸلٸگٸ. ال مەملەكەت اتا-انالاردى جۇمىسپەن قامتىپ, بالالارىن اسىراۋىنا جاعداي جاساۋى كەرەك, – دەدٸ قازاقستاننىڭ تۇڭعىش پرەزيدەنتٸ.
سوڭىندا ەلباسى كەزدەسۋگە قاتىسۋشىلارعا تابىس تٸلەپ, ولاردىڭ جاڭا بەلەستەردٸ باعىندىرۋىنا نيەتتەستٸك بٸلدٸردٸ, سونداي-اق بارلىعىن وتانىمىزدىڭ يگٸلٸگٸ ٷشٸن ەڭبەك ەتۋگە شاقىردى.
