مەملەكەت باسشىسى نۇرسۇلتان نازارباەۆ الماتىعا جۇمىس ساپارى بارىسىندا قايتا جاڭعىرتىلعان جٸبەك جولى, پانفيلوۆ, «استانا» الاڭدارىن تاماشالادى, دەپ حابارلايدى قازاقپارات.
قالا ەكٸمٸ مەملەكەت باسشىسىنا اقىلى تۇراق باعدارلاماسىن ەنگٸزگەلٸ بەرٸ بيۋدجەت تٷسٸمٸ 5 ەسە ارتقانىن باياندادى. ونىڭ ايتۋىنشا, اقىلى تۇراق جٷيەسٸنەن بيۋدجەتكە 190 ملن تەڭگە تٷسكەن.
ال, «وڭاي» تٶلەم جٷيەسٸنٸڭ سارالانعان تاريفٸ ەنگٸزٸلگەلٸ بەرٸ كٶلەڭكەلٸ اينالىمنان سوڭعى ايدا 700 ملن تەڭگە جارىققا شىققان.
ايتا كەتۋ كەرەك, بيىل الماتىداعى تاريحي ورتالىقتىڭ 1/3 بٶلٸگٸ قايتا جاسالدى. ناقتىراق ايتساق, جٸبەك جولى كٶشەسٸنٸڭ ابىلاي حان مەن قوناەۆ اراسىنداعى بٶلٸگٸ تولىعىمەن قايتا جاسالدى.
بۇل ايماقتا تابيعي گرانيت كەسپەتاستارى تٶسەلٸپ, جاڭا قۇرعاق سۋبۇرقاقتار, اۆتورلىق پٸشٸندەر, ورىندىقتار مەن بالالار الاڭدارى, عيمارات قاسبەتتەرٸ جاسالدى.
پانفيلوۆ كٶشەسٸنٸڭ جٸبەك جولى مەن قابانباي اراسىنداعى بٶلٸگٸ جاياۋ جٷرگٸنشٸلەرگە ارنالىپ قايتا جاسالدى.
مۇندا دا قۇرعاق سۋبۇرقاقتار, اۆتورلىق كٸشٸ پٸشٸندەر, زاماناۋي, تٷنگٸ جارىقتاندىرۋ جٷيەسٸ, ورىندىقتار, كٸشٸ ارحيتەكتۋرالىق پٸشٸندەر, بالالار جەنە سپورت الاڭدارى جاسالدى.
سونىمەن قاتار, استانا الاڭىن قايتا جاساۋ كەزٸندە تابىلعان 1 عاسىرعا جۋىق تاريحى بار كەسپەتاستار پانفيلوۆ دەلٸزٸنە تٶسەلدٸ.
استانا الاڭىندا كٶلٸك جولى قىسقارتىلىپ, ونىڭ ورنىنا تروتۋار, ۆەلوجول سالىندى. گرانيت كەسپەتاستارى تٶسەلدٸ. لاۆاندا كلۋمبالارى وتىرعىزىلدى. ەكٸ قۇرعاق سۋبۇرقاق ورناتىلىپ, تٷنگٸ جارىقتاندىرۋ جٷيەسٸ جاسالدى.
سونىمەن قاتار, بٷگٸن مەملەكەت باسشىسى نۇرسۇلتان نازارباەۆ ناۋرىزباي اۋدانىنداعى 500 ادامعا ارنالعان ەمحانا مەن «تۋعان جەر» باعدارلاماسى اياسىندا سالىنعان «زاۆود ەلەكتروكابەل» جشس عيماراتىندا بولدى.
ەمحانا عيماراتى قالانىڭ كوممۋنالدى مەنشٸگٸنە بەرٸلگەن. مۇندا ەلەكتروندى تٸركەۋ, Call-ورتالىق, جەدەل جەردەم بريگادالارى ورنالاسقان.
جاقىن ارادا قالقامان شاعىن اۋدانىندا 200 ادامعا ارنالعان مەديتسينالىق مەكەمە پايدالانۋعا بەرٸلەدٸ. ال تاۋ سامالى شاعىن اۋدانىندا 500 ادامعا ارنالعان ەمحانانىڭ قۇرىلىسى باستالدى.
