استانا قالاسى ەكٸمدٸگٸنٸڭ قولداۋىمەن سەكەن سەيفۋللين مۇراجايى وسىمەن سەگٸزٸنشٸ رەت ٶتكٸزگەلٸ وتىرعان دەستٷرلٸ مٷشەيراعا ەلٸمٸزدٸڭ بارلىق اقىندارىن تاعى دا الامان جىر بەيگەسٸنە قاتىسىپ, ٶز باقتارىن سىناۋعا شاقىرادى. بۇل جولعى مٷشەيرانىڭ جىر ارقاۋى– «ەل تٸرەگٸ - ەلوردا».
ارايلى ازاتتىق اياسىندا ەركٸن تىنىستاپ, ٶز الدىمىزعا شاڭىراق كٶتەرٸپ, تۋ تٸگٸپ, ەلدٸگٸمٸزدٸ ەلەمگە ەيگٸلەپ وتىرعانىمىزعا شيرەك عاسىردان استى. وسى قىسقا عانا ۋاقىتتىڭ ٸشٸندە قانشاما جەتٸستٸكتەرگە قول جەتكٸزدٸك. ەل ورداسى سالىنىپ, ەل ٸرگەسٸ بەكٸدٸ. ەلباسىنىڭ باتىل باستاماسىمەن سارىارقا تٶسٸندە بوي كٶتەرٸپ, ايداي ەلەمگە تانىلعان استانا بيىل جيىرما جاسقا تولدى.
بۇعان دەيٸنگٸ جىر بەيگەسٸندە تەۋەلسٸزدٸكتٸڭ مەرەيٸن اسقاقتاتىپ, حالقىمىزدىڭ ازاتتىق جولىنداعى الاپات كٷرەسٸن, بٷگٸنگٸ جاڭا زاماننىڭ جاڭا تاريحىن, ەلباسىنىڭ ەرەن ەرلٸگٸن, ەل باسقارۋداعى كٶرەگەن ساياساتىن شابىتتانا جىرعا قوسقان سەرٸك اقسۇڭقارۇلى, سەرٸك تۇرعىنبەكوۆ, عالىم جايلىباي, وڭايگٷل تۇرجان, ەدٸلبەك ىبىرايىمۇلى سىندى بەلگٸلٸ اقىندارىمىزبەن قاتار, جاس تالانتتار ارمان شەريزات, ەسكەرحان اقتاي مٷشەيرانىڭ باس بەيگەسٸن قانجىعالارىنا بايلانعان بولاتىن.
استانا تويىنا ارنالعان بيىلعى مٷشەيرانىڭ دا كٶزدەگەنٸ - ەلوردانىڭ ايشىقتى كەلبەتٸن, ازاتتىق جولىندا ارپالىسىپ ٶتكەن بابالار كٷرەسٸن,ەلٸمٸزدٸڭ بٷگٸنگٸ جارقىن ٶمٸرٸن, ەرتەڭگٸ ۇرپاق مۇراتىن جىرلاۋ. قازاق جىرىنىڭ قورجىنىنا ولجا سالۋ.
تاقىرىپ اياسىنىڭ كٶكجيەگٸ ٶتە كەڭ. سٷيٸنە جىرلاپ, سٷبەلٸ شىعارما تۋدىرۋ ەر اقىننىڭ ٶز شابىتىنا بايلانىستى. ەندەشە جٷيرٸكتەردٸ جىر مەرەسٸندە كٷتەمٸز!
مٷشەيرا جٷلدەلەرٸنٸڭ قارجىلاي كٶلەمٸ ٶتە قوماقتى:
باس جٷلدە – بٸرەۋ
بٸرٸنشٸ ورىن – بٸرەۋ
ەكٸنشٸ ورىن - ەكەۋ
ٷشٸنشٸ ورىن – ٷشەۋ
مٷشايراعا ەش جەردە جارىق كٶرمەگەن تولعاۋلار, توپتاما ٶلەڭدەر 2018 جىلدىڭ ماۋسىم ايىنىڭ 1 – نە دەيٸن قابىلدانادى.
مٷشايرا قورىتىندىسى استانا كٷنٸ قارساڭىندا جارييالانىپ, ماراپاتتاۋ رەسٸمٸ ٶتەدٸ.
ٷمٸتكەرلەر شىعارماسىن كومپيۋتەردە تەرٸپ, 5 داناسىن تٶمەندەگٸ مەكەن – جايعا جٸبەرۋ كەرەك نەمەسە astanakalamger@mail.ru ەلەكتروندىق پوشتاعا جولداۋعا بولادى.
اۆتوردىڭ اتى-جٶنٸ, مەكەن-جايى, بايلانىس تەلەفونى, ەلەكتروندىق پوشتاسى(بار بولسا) مٸندەتتٸ تٷردە كٶرسەتٸلۋٸ كەرەك.
يندەكس: 010000, استانا قالاسى, م.ەۋەزوۆ كٶشەسٸ 20 «ا» ٷي, سەكەن سەيفۋللين مۇراجايى. تەل. 8(7172)32-84-67, 53-34-03.
جٷلدەگەرلەردٸڭ استاناعا كەلٸپ-كەتۋدەگٸ بارلىق شىعىنىن ۇيىمداستىرۋشى تاراپ موينىنا المايدى.
