فوتو: اشىق دەرەككٶز
«EL ARNA» جەنە «حابار» تەلەارنالارىن بٸرٸكتٸرۋ تۋرالى شەشٸم قابىلداندى. بۇل تۋرالى مەدەنيەت جەنە اقپارات مينيسترٸ ايدا بالاەۆا جەلٸدەگٸ پاراقشاسىندا جازدى, دەپ حابارلايدى Ult.kz.
ەكٸ تەلەارنانى بٸرٸكتٸرۋ 1 مامىرعا دەيٸن اياقتالادى. «EL ARNA-نىڭ» كونتەنتٸ «حابارعا» ٶتەدٸ. بارلىق قىزمەتكەر «حابار» اگەنتتٸگٸنە جۇمىسقا ورنالاستىرىلادى.
«EL ARNA» تەلەارناسى 2000 جىلى «حابار-2» اتاۋىمەن قۇرىلدى. 2002 جىلى اتاۋى «EL ARNA» بولىپ ٶزگەرتٸلدٸ. 2014 جىلدىڭ ناۋرىزىندا ارنا جيٸلٸگٸندە «24KZ» جاڭالىقتار تەلەارناسى ٸسكە قوسىلدى. تەلارنا 2017 جىلى وتاندىق كينوارنا, 2024 جىلدان باستاپ جاستارعا ارنالعان ويىن-ساۋىق ارناسى رەتٸندە قايتا قۇرىلىمدالدى.
