سولتٷستٸك قازاقستان وبلىسىندا تايىنشا قالاسىنىڭ جەلەزنودوروجنىي شاعىن اۋدانىنىڭ جىلۋ ينفراقۇرىلىمىن جاڭعىرتۋ جوباسى اياقتالدى. ول 2025 جىلى باستالىپ, ٶڭٸردٸڭ كوممۋنالدىق ينفراقۇرىلىمىن جاڭارتۋدىڭ نەگٸزگٸ قادامدارىنىڭ بٸرٸنە اينالدى. جۇمىستار «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى اياسىندا جٷزەگە اسىرىلدى, دەپ حابارلايدى جوبالىق كەڭسە.
نەتيجەسٸندە جىلۋ تراسساسىنىڭ جاعدايى تٷبەگەيلٸ جاقساردى: جۇمىس ٸستەپ تۇرعان 2,2 شاقىرىم قايتا جاڭارتىلدى جەنە 1,157 شاقىرىم جىلۋ جەلٸسٸ سالىندى. وسىنىڭ ارقاسىندا جەلەزنودوروجنىي شاعىن اۋدانىندا توزۋ دەڭگەيٸ ەكٸ ەسەدەن استامعا تٶمەندەتٸلدٸ (60%-دان 26%-عا دەيٸن), بۇل جىلۋمەن جابدىقتاۋ ساپاسىن ارتتىردى جەنە جىلىتۋ كەزەڭٸندە اپات قاۋپٸن تٶمەندەتتٸ.
جوبا قالا تۇرعىندارىنىڭ ٶمٸر سٷرۋ ساپاسىنا تٸكەلەي ەسەر ەتتٸ. ەندٸ 18 كٶپپەتەرلٸ جەنە 29 جەكە تۇرعىن ٷي, 4 بيۋدجەتتٸك مەكەمە سەنٸمدٸ جىلۋمەن قامتاماسىز ەتٸلدٸ. سونىمەن قاتار, جاڭارتىلعان جىلۋ تراسساسىنا بيزنەس نىساندارى (دەنە شىنىقتىرۋ-ساۋىقتىرۋ كەشەنٸ مەن سالىنىپ جاتقان باسسەين) جەنە بٸرقاتار جەكە ٷيلەر قوسىلعان.
جوبا اياسىندا جىلۋمەن جابدىقتاۋ سحەماسى وڭتايلاندىرىلدى: رەمزاۆود تۇرعىن ايماعىنىڭ ەسكٸرگەن قازاندىعىن پايدالانۋ قاجەتتٸلٸگٸ جويىلدى. ەندٸ جىلۋ بەرۋ جەلەزنودوروجنىي شاعىن اۋدانىنىڭ قازاندىعىنان ورتالىقتاندىرىلعان تٷردە جٷزەگە اسىرىلادى. بۇل شىعىندى قىسقارتىپ, جەلەزنودوروجنىي شاعىن اۋدانىنداعى قازاندىق قىزمەتكەرلەرٸنٸڭ جالاقىسىن ارتتىرۋعا مٷمكٸندٸك بەردٸ.
«جەلەزنودوروجنىي شاعىن اۋدانىنداعى «تايىنشاكوممۋنسەرۆيس» جشس جىلۋ تراسساسى 1989 جىلى سالىنعان, ۇزىندىعى 1 900 م (2 جەلٸ), ٸس جٷزٸندە 2 قازاندىق جۇمىس ٸستەدٸ. سوڭعى 10 جىلدا جىلۋ تراسساسىنىڭ قۇرىلىسى مەن جاڭعىرتىلۋى جٷرگٸزٸلمەگەن, قىس مەزگٸلٸندە اپاتتى بولدىرماۋ ٷشٸن جشس اعىمداعى جٶندەۋ جۇمىستارىن جٷرگٸزٸپ, بٸر ماۋسىمعا كەپٸلدٸك بەردٸ, جىلۋ تراسساسىن قايتا قۇرۋعا اسا مۇقتاج بولدى», – دەدٸ تايىنشا اۋدانىنىڭ تكش بٶلٸمٸنٸڭ باسشىسى مارات بايماعامبەتوۆ.
ينۆەستيتسييانىڭ جالپى كٶلەمٸ 745,9 ملن تەڭگەنٸ قۇرادى. نەگٸزگٸ قارجىلاندىرۋ قازاقستاندىق تۇرعىن ٷي كومپانيياسى ەسەبٸنەن – 677,1 ملن تەڭگە, سونداي-اق وبلىستىق بيۋدجەت ەسەبٸنەن – 68,8 ملن تەڭگە قامتاماسىز ەتٸلدٸ.
ايتا كەتۋ كەرەك, جٷزەگە اسىرىلعان جوبا ەكسج ۇلتتىق جوباسى اياسىندا ٶڭٸردٸڭ كوممۋنالدىق ينفراقۇرىلىمىن جاڭعىرتۋ بويىنشا جٷيەلٸ جۇمىستىڭ بٸر بٶلٸگٸ. وسى باعىتتاعى جۇمىس 2027 جىلعا قاراي تكش سالاسىنداعى جەلٸلەردٸڭ توزۋىن كەزەڭ-كەزەڭمەن تٶمەندەتۋ جەنە «قىزىل ايماقتاردى» جويۋ ماقساتىندا جالعاستىرىلادى.
انىقتاما: «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى رەسپۋبليكا بويىنشا 2029 جىلعا دەيٸن ٸسكە اسىرىلۋدا جەنە كوممۋنالدىق ينفراقۇرىلىمنىڭ توزۋىن 40%-عا دەيٸن تٶمەندەتۋگە جەنە اپات دەڭگەيٸن 20%-عا قىسقارتۋعا باعىتتالعان.
