فوتو: instagram.com/zholmanova.svetlana
سوت 2026 جىلى 11 اقپاندا بۇرىنعى سۋديا سۆەتلانا جولمانوۆانى تاعى بٸر قىلمىستىق ٸس بويىنشا سەگٸز جىلعا باس بوستاندىعىنان ايىردى, دەپ حابارلايدى سوتتىڭ باسپاسٶز قىزمەتٸ.
سوت جولمانوۆانى قىلمىستىق كودەكستٸڭ 190-بابىنىڭ 4-بٶلٸمٸ, 2) تارماعى بويىنشا ٸرٸ كٶلەمدە الاياقتىق جاساعانى ٷشٸن كٸنەلٸ دەپ تانىپ, ونى سەگٸز جىلعا باس بوستاندىعىنان ايىردى.
الماتى قالاسى مەدەۋ اۋدانى №2 اۋداندىق سوتىنىڭ 2025 جىلعى 19 ماۋسىمداعى بۇرىنعى ٷكٸمٸ ەسكەرٸلٸپ, سوت قۇقىق بۇزۋشىلىقتاردىڭ جيىنتىعى بويىنشا جازالاردى بٸرٸكتٸردٸ. نەتيجەسٸندە جولمانوۆاعا سوڭعى مەرزٸم رەتٸندە 10 جىل باس بوستاندىعىنان ايىرۋ تاعايىندالدى. ول جازاسىن ورتا قاۋٸپسٸزدٸكتەگٸ قىلمىستىق-اتقارۋ جٷيەسٸ مەكەمەسٸندە ٶتەيتٸن بولادى.
سونىمەن قاتار سوت جولمانوۆانى زارداپ شەككەندەرگە ٶتەماقى تٶلەۋ قورىنا مەجبٷرلٸ تٶلەم رەتٸندە 20 ايلىق ەسەپتٸك كٶرسەتكٸش, ياعني 73 840 تەڭگە اۋدارۋعا مٸندەتتەدٸ.
سوت ازاماتتىق تالاپتاردى دا قارادى. قۇساينوۆا ايگٷل قايرۋلاەۆنا, امانجولوۆا كٷلسارى تىنىشجانقىزى جەنە كۋساينوۆا تاتيانا بوريسوۆنانىڭ تالاپتارى قاراۋسىز قالدىرىلدى. راپيلبەكوۆ ەرجان قامشىبەكۇلىنىڭ تالابى جارتىلاي قاناعاتتاندىرىلدى. سۆەتلانا جولمانوۆادان 94 258 750 تەڭگە ماتەريالدىق شىعىن جەنە 942 587 تەڭگە مەملەكەتتٸك باج ٶندٸرٸلدٸ. سوت 16 ميلليون تەڭگە تالاپ-ارىزدىڭ قالعان بٶلٸگٸن قاراستىرمادى.
انەتبەكوۆ مۇراتباي تەلگوزيەۆيچتٸڭ تالابى تولىق قاناعاتتاندىرىلدى. سوت جولمانوۆادان 315 ميلليون تەڭگە ماتەريالدىق شىعىن جەنە 150 مىڭ تەڭگە مەملەكەتتٸك باج ٶندٸرٸلسٸن دەپ شەشتٸ. الحاروۆ قايىربەك ەسەنباەۆيچتٸڭ تالاپتارى دا تولىق كٶلەمدە قاناعاتتاندىرىلدى: 59 ميلليون تەڭگە ماتەريالدىق شىعىن جەنە 590 مىڭ تەڭگە مەملەكەتتٸك باج مەملەكەت كٸرٸسٸنە اۋدارىلادى.
ەسكە سالايىق, 2024 جىلى 9 قازان كٷنٸ ەكس-سۋديا سۆەتلانا جولمانوۆا تەرگەۋ ٸس-قيمىلدارىن جٷرگٸزۋ ٷشٸن پوليتسيياعا جەتكٸزٸلدٸ. ول الاياقتىق جاسادى دەپ ايىپتالدى. 11 قازان كٷنٸ بۇرىنعى سۋديانىڭ الماتىدا ەكٸ ايعا قاماۋعا الىنعانى بەلگٸلٸ بولدى. 2025 جىلى 18 ناۋرىزدا جولمانوۆانىڭ ٸسٸ سوتقا جٸبەرٸلٸپ, ال 19 ماۋسىمدا ول 10 جىلعا باس بوستاندىعىنان ايىرىلدى.
