فوتو: ۆيدەو سكرينشوت
جۋرناليست اسحات سادىربايدىڭ ٷستٸنەن قىلمىستىق ٸس قوزعالدى. قىلمىستىق ٸس بويىنشا تەرگەۋ ونىڭ بۇرىنعى ەيەلٸ ايعانىم بولاتقىزىنىڭ ارىزى نەگٸزٸندە قوزعالعان, دەپ حابارلايدى Ult.kz Sn.kz -كە سٸلتەمە جاساپ.
ەكەۋٸنٸڭ اراسىنداعى جانجال بٸرنەشە جىلدان بەرٸ جالعاسىپ كەلەدٸ. جۋرناليستٸڭ ٷستٸنەن قىلمىستىق ٸستٸڭ قوزعالعانىن تەرگەۋ قىزمەتٸ راستادى. استانا قالالىق پوليتسييا دەپارتامەنتٸنٸڭ ەسٸل اۋداندىق پوليتسييا باسقارماسى قىلمىستىق ٸستٸ تەرگەپ جاتىر.
استانا قالالىق پد اسحات سادىربايعا قاتىستى قىلمىستىق ٸس قوزعالعانىن راستادى.
«استانا قالاسى «ەسٸل» اۋداندىق پوليتسييا باسقارماسىنا اۋماقتىق تيەسٸلٸگٸ بويىنشا 04.03.1992 جىلى تۋعان ازاماتشا قوراباەۆا ايعانىم بولاتقىزى بۇرىنعى جۇبايى — 06.06.1986 جىلى تۋىلعان اسحات مۋراتوۆيچ سادىرباەۆقا قاتىستى شارا قولدانۋ تۋرالى ارىزبەن جٷگٸنگەنٸ انىقتالدى.
اتالعان دەرەك بويىنشا استانا قالاسى «ەسٸل» اۋداندىق پوليتسييا باسقارماسىندا 09.10.2025 جىلى قازاقستان رەسپۋبليكاسى قىلمىستىق كودەكسٸنٸڭ 110-بابىنىڭ, 2-بٶلٸگٸندە كٶزدەلگەن قىلمىس بەلگٸلەرٸنٸڭ بولۋىنا بايلانىستى №257116031000977 سوتقا دەيٸنگٸ تەرگەپ-تەكسەرۋ باستالدى», — دەلٸنگەن رەسمي جاۋاپتا.
ايعانىم بولاتقىزى ٶزٸن بۇرىنعى كٷيەۋٸنٸڭ ازاپتاپ, ۇرعانى, اياۋسىز سوققىعا جىققانى جايلى ەل الدىندا اشىق ايتىپ, زاڭ ورگاندارىنان دا, حالىقتان دا اراشا سۇرادى. الايدا اسحات سادىرباي بۇنىڭ جالعان ەكەنٸن, جالا ەكەنٸن ايتقان ەدٸ. تٸپتەن جۋرناليست ەكس-ەيەلٸن سوتقا بەرٸپ, جەڭٸپ تە شىققان. بٸراق ونىڭ بۇرىنعى ەيەلٸ دە قاراپ قالعان جوق. العان جاراقاتتارىن اشىق كٶرسەتٸپ, قايتا ارىزدانعان.
«قازٸرگٸ ۋاقىتتا اتالعان ٸس بويىنشا سوت-مەديتسينالىق ساراپتامالار تاعايىندالىپ, سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە», — دەلٸنگەن پوليتسييا باسقارماسى بەرگەن جاۋاپتا.
سونىمەن قاتار قازاقستان رەسپۋبليكاسى قىلمىستىق پروتسەستٸك كودەكسٸنٸڭ 201-بابىنىڭ تالاپتارىنا سەيكەس, تەرگەپ بەكسەرۋ دەرەكتەرٸ جارييا ەتٸلمەيدٸ.
