قر ۇلتتىق ەكونوميكا مينيسترٸ ەسەت ەرعاليەۆ ورتالىق جەنە جەرگٸلٸكتٸ اتقارۋشى ورگاندار نازار اۋدارۋى تيٸس ٸس-شارالاردى اتادى, دەپ حابارلايدى قازاقپارات.
«ورتالىق جەنە جەرگٸلٸكتٸ اتقارۋشى ورگاندارعا مىناداي شارالارعا نازار اۋدارۋ ۇسىنىلىپ وتىر. ينۆەستيتسييالىق جوبالار پۋلى شەڭبەرٸندە جوبالاردى بەلسەندٸ ٸسكە اسىرۋ كەرەك. «قاراپايىم زاتتار ەكونوميكاسى», «بيزنەستٸڭ جول كارتاسى – 2025» جەنە ۇلتتىق بانكتٸڭ جەڭٸلدٸكپەن كرەديت بەرۋ باعدارلاماسى شەڭبەرٸندە كەسٸپكەرلەردٸ قولداۋ قۇرالدارىنىڭ تيٸمدٸ ٸسكە اسىرىلۋىن قامتاماسىز ەتۋ قاجەت», - دەدٸ ۇلتتىق ەكونوميكا مينيسترٸ بٷگٸنگٸ ٷكٸمەت وتىرىسىندا.
سونىمەن بٸرگە, مينيستر مەملەكەتتٸك ۇيىمداردىڭ, ۇلتتىق كومپانييالاردىڭ جەنە جەر قويناۋىن پايدالانۋشىلاردىڭ تاۋارلار مەن كٶرسەتٸلەتٸن قىزمەتتەردٸ ساتىپ الۋدا قازاقستاندىق قامتۋ ٷلەسٸن ۇلعايتۋ شارالارىن كٷشەيتۋدٸ اتاپ ٶتتٸ.
«ەڭبەك نارىعىنداعى تۇراقتىلىقتى قامتاماسىز ەتۋ ٷشٸن «ەڭبەك» جەنە «جۇمىسپەن قامتۋ جول كارتاسى» باعدارلامالارى شەڭبەرٸندە جوبالاردى ٸسكە اسىرۋ كەرەك. تۇتىنۋ تاۋارلارى باعالارىنىڭ سەرپٸندٸ مونيتورينگٸن جەنە تيٸستٸ تۇراقتاندىرۋ شارالارىن قابىلداۋ كەرەك. جوعارىدا كٶرسەتٸلگەن شارالاردى ٸسكە اسىرۋ ماكروەكونوميكالىق تۇراقتىلىقتى ساقتاۋعا وڭ ىقپال ەتەدٸ», - دەيدٸ ەسەت ەرعاليەۆ.
