قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ مەجٸلٸسمەندەر الدىندا ەكولوگييالىق كودەكسٸنٸڭ جوباسىن قورعادى, دەپ حابارلايدى "ۇلت اقپارات".
«لاستاۋشى تٶلەيدٸ» قاعيداتىنىڭ نەگٸزٸنە لاستانۋدى بولدىرماۋ مەن باقىلاۋ بويىنشا شارالار جاتادى. سونىمەن قاتار قورشاعان ورتاعا تيگەن زالالدى قالپىنا كەلتٸرۋگە قاتىستى جاۋاپكەرشٸلٸك قاراستىرىلعان. وسىلايشا مەملەكەت تابيعات پايدالانۋشىلارعا ەكولوگييالىق ايىپپۇل تٶلەۋدٸڭ ورنىنا قورشاعان ورتاعا تەرٸس ەسەردٸ بولدىرماۋ جٶنٸندەگٸ بارلىق شارالاردى قابىلداۋ تيٸمدٸرەك بولاتىنداي جاعداي جاساۋى تيٸس. بۇدان باسقا ەكولوگييالىق زالال ورىن العان جاعدايدا تابيعات پايدالانۋشى قورشاعان ورتانى باستاپقى قالپىنا كەلتٸرۋگە مٸندەتتٸ», - دەدٸ ماعزۇم مىرزاعاليەۆ پارلامەنت مەجٸلٸستٸڭ جالپى وتىرىسىندا.
ونىڭ ايتۋىنشا, ەڭ وزىق قولجەتٸمدٸ تەحنولوگييالاردى ەنگٸزۋ شارتىمەن بٸرٸنشٸ ساناتتاعى نىساندار ٷشٸن كەشەندٸ ەكولوگييالىق رۇقساتتارعا كٶشۋٸ تيٸس. سونداي-اق جاڭادان ٸسكە قوسىلاتىن كەسٸپورىندار ٷشٸن كەشەندٸ ەكولوگييالىق رۇقساتتار الۋ مٸندەتتٸلٸگٸ قاراستىرىلدى.
«ەڭ وزىق قولجەتٸمدٸ تەحنولوگييالاردى ەنگٸزۋدٸڭ ارقاسىندا ەلٸمٸزدەگٸ ەكولوگييالىح احۋال جاقسارادى. بٸرٸنشٸ كەزەڭدە مۇناي-گاز, تاۋ-كەن مەتاللۋرگيياسى, حيمييا جەنە ەلەكتر ەنەرگەتيكاسى سالالارىنا قاتىستى 50 ٸرٸ كەسٸپورىندى ەڭ وزىق قولجەتٸمدٸ تەحنولوگييالارعا اۋىستىرۋ جوسپارلانعان. ايتا كەتەرلٸگٸ, وسى 50 كەسٸپورىنعا جالپى لاستانۋدىڭ سەكسەن 80 پايىزى تيەسٸلٸ. كودەكستٸڭ جوباسىندا بٸرٸنشٸ ساناتتاعى ٸرٸ كەسٸپورىندارعا قاتىستى قورشاعان ورتاعا ەسەردٸ باعالاۋدى (وۆوس) جٷرگٸزۋ تۋرالى تالاپ قاراستىرىلدى. ولاردىڭ تٸزبەسٸ قايتا قارالىپ, نەگٸزٸنەن ەكولوگييالىق قاۋٸپتٸ نىساندارعا باسا نازار اۋدارىلاتىن بولادى», - دەدٸ ول.
