رەسەيدٸڭ سمولەنسك وبلىسىندا سٷيەگٸ تابىلعان جاۋىنگەر ەستافيي لەسكين دەرەكتەر بازاسىندا بٷٸنگە دەيٸن ٸز-تٷسسٸز جوعالعاندار قاتارىندا بولعان, دەپ حابارلايدى "ۇلت اقپارات".
«مايدان جولى» پاۆلودارلىق ٸزدەۋ جاساعىنا ەستافيي يليچ لەسكيننٸڭ تۋىستارىن ٸزدەۋگە كٶمەك كٶرسەتۋدٸ سۇراپ رەسەيلٸك ٸزدەۋشٸلەر بايلانىسقان. ولاردىڭ اتاسى سوڭعى دەمٸنە دەيٸن شايقاسقانىن بٸلگەنٸن قالادىق», - دەدٸ «مايدان جولى» جاساعىنىڭ كومانديرٸ الەكساندر شيتوۆ.
ونىڭ ايتۋىنشا, رەسەيلٸك «گۆاردييا» ٸزدەۋ جاساعىنىڭ ساربازدارى قىزىل ارمييا جاۋىنگەرٸنٸڭ سٷيەگٸن رەسەيدٸڭ سمولەنسك وبلىسىنىڭ ەلنينسك اۋدانىندا تاپقان. ولار جاۋىنگەردٸڭ كٸم ەكەندٸگٸن انىقتاعان. ول 1911 جىلى دٷنيەگە كەلگەن قازاق سسر شىعىس قازاقستان وبلىسىنىڭ تاۆريچەسكوە اۋدانى ازوۆكا اۋىلىنىڭ تۇرعىنى ەستافيي يليچ لەسكين بولىپ شىعادى. ونىڭ جالعىز تۋىسى ەۆدوكييا كوندراتەۆنا كنيازەۆا بولعان. مارقۇم مايدانعا شىعىس قازاقستان وبلىسى پرەدنەگورنەنسك اۋدانىنىڭ پرەدنەگورنەنسك كوميسسارياتىنان 1939 جىلدىڭ 19 قازانىندا شاقىرىلعان.
سوڭعى قىزمەت ورنى – 106 ارتيللەرييا پولكٸنٸڭ 273 اتقىشتار ديۆيزيياسى. شىعۋ كٷنٸ – 1942 جىلدىڭ قاڭتارى, - دەپ قوستى ا. شيتوۆ. مارقۇم بازادا «ٸز-تٷسسٸز جوعالعان» دەپ تٸركەلگەن.
جاۋىنگەردٸڭ تۋىستارى جايلى بارلىق سۇراق بويىنشا الەكساندر alex.shitov@mail.ru ەلەكتروندى پوشتاسى جەنە 8777-461-73-78 نٶمٸرٸ ارقىلى بايلانىسۋدى سۇرادى.
