75 جىل بۇرىن ەكٸنشٸ دٷنيەجٷزٸلٸك سوعىستا تٶمەنگٸ نوۆگورودتا قازا تاپقان قۇسپانعالي بورانباەۆتىڭ سٷيەگٸ تۋعان جەرٸ اتىراۋ وبلىسى قۇرمانعازى اۋدانىنا جەرلەندٸ, - دەپ حابارلايدى "ۇلت اقپارات" اتىراۋ وبلىستىق ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
قۇسپانعالي بورانباەۆ 1941 جىلى 19 جاسىندا مايدانعا اتتانعان, پارفينسك اۋدانىنداعى تٶمەنگٸ نوۆگورودتا بولعان شايقاستا ەرلٸكپەن قازا تاپتى. ٶتكەن جىلى وسى اۋداندا ٸزدەستٸرۋ توبى 489 جاۋىنگەردٸڭ سٷيەگٸن تاپقان, سولاردىڭ اراسىندا اتىراۋلىق سارباز دا بار. باتىر سٷيەگٸن جەرلەۋ رەسٸمٸنە قۇسپانعالي بورانباەۆتىڭ اعايىندارى, ارداگەرلەر, جاستار, ٸزدەۋ توبى مٷشەلەرٸ قاتىستى.
اتىراۋ وبلىسىنىڭ ەكٸمٸ نۇرلان نوعاەۆ سوعىس كەزٸندە حابارسىز كەتكەن جاۋىنگەردٸڭ سٷيەگٸن ەلگە جەتكٸزۋ جۇمىستارى قالاي جٷرگەنٸن ايتتى.
"بٸزدٸڭ بٷگٸنگٸ اشىق اسپانىمىز ٷشٸن جانىن قيعان باتىرىمىزدى تۋعان جەر توپىراعىنا تابىستاپ وتىرمىز. قۇسپانعالي اعانىڭ تاعدىرى تۋرالى حابار جەتكەن بويدا وبلىستىق ارحيۆتەردەن اعايىن-تۋىستارى جايلى دەرەكتەر ٸزدەدٸك. كٶرشٸلەس استراحان وبلىسىنداعى ارحيۆتەرگە حابارلاستىق. بٸراق ەشقانداي مەلٸمەت شىقپادى. جىل بويى رەسەيلٸك ەرٸپتەستەرمەن كەلٸسسٶزدەر جٷرگٸزدٸك. سارباز سٷيەگٸن تۋىستارىنىڭ بارىن راستايتىن قۇجات بولعان كەزدە عانا بەرۋگە كەلٸستٸ. جىل بويى جٷز توم ارحيۆ ماتەريالدارى قارالدى, بٸراق ٸزدەۋ جۇمىستارى نەتيجەسٸز بولدى. اقىرى وبلىس باسشىلىعى رەسەيلٸكتەردەن قۇسپانعالي بورانباەۆتىڭ سٷيەگٸن تۋعان جەرٸنە جەرلەۋگە كەلٸسٸم الدى", - دەيدٸ نۇرلان نوعاەۆ.
"بارلىق مەسەلەلەر شەشٸلٸپ, سٷيەكتٸ اتىراۋعا ەكەلۋگە كەلٸسٸم الىنعان كەزدە قۇسپانعالي بورانباەۆتىڭ تۋىستارى تابىلدى دەگەن حابار كەلدٸ. مۇنىڭ بەرٸ سوعىسقا قاتىسقان باتىرلارعا دەگەن قۇرمەتتٸ كٶرسەتەدٸ. ۇرپاقتارىنىڭ ارقاسىندا قۇسپانعالي اعانىڭ رۋحى تۋعان توپىراعىمەن قاۋىشتى", - دەپ اتاپ ٶتتٸ نۇرلان نوعاەۆ.
قۇسپانعالي بورانباەۆتىڭ تۋىستارىن ٸزدەۋگە قۇرمانعازى اۋداندىق ارداگەرلەر كەڭەسٸنٸڭ تٶراعاسى ورىنعالي قۇمارعاليەۆ كٶپ جۇمىس ٸستەدٸ.
"بٸزدٸڭ اۋداننان سوعىسقا 7480 جاۋىنگەر اتتاندى, سونىڭ جارتىسىنا جۋىعى مايدان دالاسىنان ورالمادى", - دەيدٸ ورىنعالي قۇمارعاليەۆ. "76 جىلدان كەيٸن سٷيەگٸ تابىلىپ, تۋعان توپىراعىمەن تابىسقان قۇسپانعالي بورانباەۆتىڭ تاعدىرى كٶپ كەزدەسپەيتٸن جاعداي. ەر ادام تۋعان جەرٸندە مەڭگٸلٸك تىنىس تابۋدى ارماندايدى. قۇسپانعالي اعانىڭ وسى ارمانى ورىندالدى".
ريزاشىلىق سٶزدەرٸن قۇسپانعالي بورانباەۆتىڭ تۋىستارى دا ايتادى. سونىڭ ٸشٸندە اقتٶبەدەگٸ ەلييا مولداعۇلوۆا اتىنداعى جەنە رەسەيدەگٸ ياروسلاۆ وبلىسى رىبينسك قالاسىنداعى "زا وتۆاگۋ" ٸزدەستٸرۋ توپتارىنىڭ مٷشەلەرٸ كٶپ ەڭبەك سٸڭٸردٸ. ولار ساربازدىڭ مەدالونى مەن اتى-جٶنٸ ويىلىپ جازىلعان قاسىعىن تاپقان.
جاۋىنگەر سٷيەگٸن جەتكٸزۋ پروتسەسٸ قيىندىق كەلتٸرمەدٸ. قازاقستاننىڭ رەسەيدەگٸ ەلشٸلٸگٸ, سانكت-پەتەربۋرگ پەن استراحانداعى باس كونسۋلدىعى قولداۋ كٶرسەتتٸ. سولاردىڭ سەپتٸگٸمەن سوعىستا قازا تاپقان جاۋىنگەر سٷيەگٸ ۇشاقپەن الدىمەن استاناعا, سوسىن اتىراۋعا جەتكٸزٸلدٸ.
كٶپشٸلٸككە سوعىس 1945 جىلى بٸتكەن بولىپ كٶرٸنەرٸ انىق. بٸراق مايداننان ورالماعان مىڭداعان سارباز بەن ولاردىڭ تۋىستارى ٷشٸن شايقاس الاڭىندا قالعان سٷيەكتەردٸڭ تۋعان توپىراقپەن قاۋىشقان كەزٸندە عانا اياقتالادى. جەرلەسٸمٸز قۇسپانعالي بورانباەۆ ٷشٸن سوعىس 2018 جىلى تەمامدالدى.
