فوتو: instagram.com/ekibastuz_akimdigi
جىلۋ قىزمەتكەرلەرٸ ەكٸباستۇزدىقتاردىڭ ەلەكتر ەنەرگيياسى ٷشٸن ٶتەماقى رەتٸندە 240 ميلليون تەڭگە تٶلەيدٸ, - دەپ حابارلايدى Massaget.kz پورتالى.
"واەك" اق باسقارما تٶراعاسى باعدات ورالدىڭ ايتۋىنشا, قاراجات ازاماتتاردىڭ جەكە شوتىنا اۋدارىلادى. قازٸر جىلۋمەن قامتۋ مەكەمەسٸ مەن ەلەكتر ەنەرگەتيكاسى سالاسى اراسىندا تيٸس كەلٸسٸمگە قول قويىلدى.
"ەكٸباستۇزدىڭ بارلىق جەكە تۇلعاسىنىڭ اي سايىنعى تۇتىنۋ شىعىنىن كٶردٸك. تۇتىنۋشىلاردىڭ 48 172 جەكە شوتى بار. قالىپتى رەجيمدە ولار شامامەن 220 ميلليون تەڭگە سوماعا ەلەكتر ەنەرگيياسىن تۇتىنادى. قولدا بار تۇتىنۋ نورمالارىن نەگٸزگە الا وتىرىپ, بٸز "ەكٸباستۇزەنەرگو" جشس-نا 240 ميلليون تەڭگە اۋداردىق, ولار تۇتىنۋشىلاردىڭ بارلىق دەربەس شوتى بويىنشا بٶلٸنەدٸ", - دەدٸ باعدات ورال بريفينگتە.
سونداي-اق ول قالادا جىلۋ جٷيەسٸندەگٸ اپاتتان زارداپ شەككەن پەتەرلەردٸ جٶندەۋ جۇمىستارى جالعاسىپ جاتقانىن ايتتى.
"بٷگٸندە بٸز ٶمٸر سٷرۋگە جاعداي جاساۋ ٷشٸن ەڭ كٶپ زارداپ شەككەن 52 پەتەرگە جٶندەۋ جۇمىستارىن جٷرگٸزٸپ جاتىرمىز. تۇرعىن ٷيدٸڭ جارتىسىنان استامى جٶندەلدٸ. بٸرلەسكەن كوميسسييا ۇسىنعان تٸزٸمنەن اقاۋى بار پەتەرلەردٸ تەز ارادا جيناپ جاتىرمىز. جٶندەۋ بريگادالارى قاجەت ماتەريالدارمەن قامتاماسىز ەتٸلگەن", - دەدٸ ول.
ەكٸباستۇز ەكٸمدٸگٸنٸڭ مەلٸمەتٸنشە, بارلىعى 424 پەتەر جٶندەۋدٸ قاجەت ەتەدٸ, ونىڭ ٸشٸندە 338 پەتەرگە ورتاشا جٶندەۋ قاجەت.
سونداي-اق, جىلۋ جەلٸلەرٸندەگٸ اپات سالدارىنان جارامسىز بولىپ قالعانى راستالعان جاعدايدا, جىلۋمەن جۇمىس ٸستەيتٸندەر تۇرمىستىق تەحنيكا مەن بٷلٸنگەن جيھازدىڭ شىعىنىن ٶتەۋگە ۋەدە بەرٸپ وتىر.
"ەرينە, بٸز ەكٸمدٸكپەن كوميسسييالىق نەگٸزدە بٷلٸنگەن قۇرال-جابدىقتار مەن جيھازدارعا ٶتەماقى تٶلەۋ مەسەلەسٸن تالقىلاپ جاتىرمىز. بٸز جٶندەۋ جۇمىستارىن جٷرگٸزٸپ جاتقان پەتەرلەردە قۇبىرلار جارىلعان اپاتتى جاعداي كەزٸندە بٷلٸنگەن جيھازدار مەن تەرەزەلەردٸ ٸشٸنارا ٶتەپ جاتىرمىز. باسقا پەتەرلەرگە قاتىستى تۇرعىنداردان بارلىق تٷبٸرتەكتٸ ساقتاۋدى سۇرايمىز. ەگەر ولار بٸرنەرسەنٸ, سونىمەن قاتار, بٷلٸنگەن قۇرال-جابدىقتاردى ٶزدەرٸ اۋىستىرىپ قويعان بولسا, بٸز بارلىق تٷسكەن ٶتٸنٸشتٸ كوميسسييالىق نەگٸزدە قارايمىز. بۇل شىن مەنٸندە تج, ٷيدەگٸ قۇبىرلاردىڭ جارىلۋى, جىلىتۋ جٷيەسٸنٸڭ بۇزىلۋى سەبەپتەرٸ بويىنشا راستالسا, ەرينە, ٶتەيمٸز", - دەدٸ "واەك" اق باسقارما تٶراعاسى.
قالانى جىلۋمەن قامتۋ مەسەلەسٸنە كەلسەك, ەكٸباستۇز ەكٸمٸ ايان بەيسەكيننٸڭ مەلٸمەتٸنە سٷيەنسەك, قازٸر بارلىق كٶپقاباتتى تۇرعىن ٷي جىلۋمەن قامتىلعان. دەگەنمەن, بٸرقاتار كٶپقاباتتى ٷيدە جىلۋمەن قامتۋ مەسەلەسٸ ەلٸ دە بار.
"30-عا جۋىق ٷي, قالاي بولعاندا دا, ەلٸ دە تٶمەن پارامەترلەردە تۇر, بٸز ولار بويىنشا جەكە جۇمىس جٷرگٸزٸپ جاتىرمىز. بٸراق باستى سەبەپ, ستانتسييانىڭ ٶزٸندە, ٶكٸنٸشكە قاراي, كٷن سايىن كەيبٸر قازاندىق قوندىرعىلارىندا اقاۋ شىعىپ جاتىر. بٸرنەرسە ٸستەن شىقسا, ەكٸنشٸسٸ قوسىلىپ جاتىر, سٶيتٸپ بٸرٸزدٸ ەتٸپ جاتىرمىز, ياعني بٸزدٸڭ الدىمىزدا ستانتسييانىڭ جۇمىسىن تولىق تۇراقتاندىرۋ مٸندەتٸ تۇر. قازٸر ول تٶرت قازاندىقتا جۇمىس ٸستەيدٸ. كەلەسٸ ٷش ساعاتتان كەيٸن تاعى ەكٸ قازاندىقتى ٸسكە قوسامىز, كٷن اياعىنا دەيٸن پارامەترلەر سەيكەس كەلۋٸ كەرەك", - دەدٸ بەيسەكين.
