فوتو: Tengrinews.kz
ەكٸباستۇزدا جىلىتقىشتاردى تەگٸن تاراتۋ كەزٸندەگٸ دٷربەلەڭ ۆيدەوعا تٷسٸرٸلدٸ. تۇرعىندار قىستىرىلىپ, قارت ەيەلدٸ تاپتاپ كەتە جازداعان, - دەپ حابارلايدى Tengrinews.kz اگەنتتٸگٸ.
بۇل تۋرالى Instagram جەلٸسٸندە پاۆلودارلىق كەسٸپكەر ايتىپ بەردٸ. ول قازاقستاندىقتاردىڭ اقشاسىنا 106 جىلىتقىش ساتىپ الىپ, ونى پەتەرٸندە توڭىپ جاتقان تۇرعىندارعا تاراتۋ ٷشٸن ەكٸباستۇزعا كەلگەنٸن ايتتى.
تەگٸن جىلىتقىشتى الىپ قالۋعا تىرىسقان جۇرتتى وقيعا كۋەگەرلەرٸ ۆيدەوعا تٷسٸرٸپ العان. Instagram-دا وقيعانىڭ ۆيدەوسى جارييالاندى.
"سابىرلى بولۋدى سۇرادىم, بٸراق نەتيجە بولمادى, تاراتۋ مٷمكٸن بولمادى. بۇعان بٸز كٸنەلٸ ەمەسپٸز. ادامدار دٷربەلەڭ تۋعىزدى. بٸر ەجەنٸ شىعارىپ الدىم, تاپتاپ كەتە جازدادى", - دەدٸ كەسٸپكەر.
ول دٷربەلەڭ تۋدىرعانى ٷشٸن كەشٸرٸم دە سۇرادى. ەر ادام جىلىتقىشتاردى تەگٸن تاراتاتىنىن الدىن الا حابارلاعانىن, بٸراق مۇنداي جاعداي بولادى دەپ ويلاماعانىن ايتتى.
"ەكٸباستۇزدا دٷربەلەڭ تۋعىزعانىمىز ٷشٸن كەشٸرٸم سۇرايمىن. قورشاۋ ورناتىپ, ەشكٸمنٸڭ زارداپ شەگۋٸنە جول بەرمەگەن پوليتسييا قىزمەتكەرلەرٸنە العىس ايتامىز. ادام كٶپ بولدى", - دەدٸ كەسٸپكەر.
ايتا كەتەيٸك, قالادا جىلۋمەن قامتۋعا بايلانىستى تٶتەنشە جاعداي ەلٸ الىنعان جوق. كەشە تٷننەن بەرٸ ەكٸباستۇزدا ۆيتسە-پرەمەر سەرٸك جۇمانعارين مەن تٶتەنشە جاعدايلار مينيسترٸ يۋريي يلين جٷر.
ەسكە سالايىق, ەكٸ تەۋلٸك بويى اپات سالدارىنان بٸرنەشە كٶپقاباتتى جەنە جەكە تۇرعىن ٷي, بٸرقاتار ەلەۋمەتتٸك نىسان جىلۋسىز قالىپ, 123 تۇرعىن, ونىڭ ٸشٸندە بالالار دا ەۆاكۋاتسييالانعان بولاتىن. بٸلٸم بەرۋ نىساندارى قاشىقتىقتان وقىتۋ فورماتىنا كٶشتٸ, بالاباقشالاردىڭ جۇمىسى توقتاتىلدى.
