زارداپ شەككەن بالانىڭ اناسى جولداعان سۋرەتتەر
ەكٸباستۇز تۇرعىنى ٶزٸنٸڭ ۇلىن - 7-سىنىپ وقۋشىسىن اياۋسىز ۇرىپ-سوققاندارعا قاتىستى تەرگەۋدٸڭ قورىتىندىسىن كٷتٸپ جاتىر. وقيعا ناۋرىز ايىنىڭ باسىندا № 6 مەكتەپ-ليتسەيٸنٸڭ اۋماعىندا بولعان, - دەپ حابارلايدى Tengrinews.kz تٸلشٸسٸ.
"باسسٷيەك-مي جاراقاتى, مي شايقالۋى, سىنعان مۇرىن, جەڭٸل دەرەجەدەگٸ ٷسٸك شالۋ, ول بٸردەن ەسٸنەن تانىپ قالعان, اۋزىنان كٶبٸك اققان. ونى فۋتبول الاڭىندا ۇرىپ-سوققان, ال ماڭايدا ەرەسەكتەر بولماعان. وندا كامەرالار دا جوق. وقيعانى 30-عا جۋىق وقۋشى باقىلاپ تۇرعان, ەشكٸم توقتاتپاعان. سىنىپتاسى جەدەل جەردەم شاقىرعان. سول كەزدە ول جەردە ەس-تٷسسٸز جاتقان. وقۋشىلاردىڭ بٸرٸ ونى مەكتەپتەگٸ سامالدىققا جەتكٸزگەن, سول جاقتان اۋرۋحاناعا جەتكٸزٸلگەن", - دەپ جازدى زارداپ شەككەن بالانىڭ اناسى Instagram-دا.
ەيەلدٸڭ ايتۋىنشا, وقيعادان بەرٸ ەكٸ اپتاعا جۋىق ۋاقىت ٶتكەن, بٸراق مەكتەپ باسشىلىعى ەلٸ كٷنگە دەيٸن بالانىڭ جاعدايىن سۇراپ كەلمەگەن.
"9 ناۋرىزدا ۇلىم اۋرۋحانادان شىعارىلدى, مەكتەپتەگٸلەر ەلٸ كٷنگە دەيٸن ٷنسٸز. قىلمىستىق ٸس قوزعالدى, بٸراق مەكتەپ ديرەكتورىنان قوڭىراۋ بولعان جوق! ەلٸ كٷنگە دەيٸن بالامنىڭ دەنساۋلىعىن سۇراپ كەلگەن ەمەس. مۇنداي نەمكەتتٸ كٶزقاراسقا تاڭعالىپ وتىرمىز. كەلەسٸ كٷنٸ مەكتەپكە بارعانىمدا تٸپتٸ ماعان مۇعالٸمدەر پوليتسيياعا جٷگٸندٸڭ دەپ ايىپتاي باستادى", - دەپ اشۋلاندى ەيەل.
