فوتو: Gov.kz
ەكٸباستۇز قالاسى ەكونوميكانى تابىستى ەرتاراپتاندىرۋ نەتيجەسٸندە مونوقالالار تٸزبەسٸنەن شىعارىلدى, دەپ حابارلايدى Ult.kz.
تيٸستٸ شەشٸمدٸ قر ۇلتتىق ەكونوميكا مينيسترلٸگٸ قابىلداپ, مونوقالالار تٸزبەسٸنە ٶزگەرٸستەر ەنگٸزدٸ. بۇل جاڭارتۋ مەملەكەت باسشىسىنىڭ 2024 جىلعى جولداۋىندا بەرٸلگەن تاپسىرمالاردى ورىنداۋ اياسىندا جٷزەگە اسقان.
جاڭا بۇيرىققا سەيكەس, 2026 جىلعى 10 ناۋرىزدا قابىلدانعان قۇجات نەگٸزٸندە ەكٸباستۇز رەسمي تٷردە مونوقالا ساناتىنان شىعارىلدى.
مينيسترلٸك جٷرگٸزگەن كەشەندٸ تالداۋ بارىسىندا 78 نەگٸزگٸ كٶرسەتكٸش قاراستىرىلعان. ولاردىڭ قاتارىندا ٶنەركەسٸپ ٶندٸرٸسٸنٸڭ سەرپٸنٸ, ينۆەستيتسييالىق بەلسەندٸلٸك, كەسٸپكەرلٸكتٸڭ دامۋى جەنە جۇمىسپەن قامتۋ قۇرىلىمى بار.
نەتيجەسٸندە ەكٸباستۇز ەكونوميكاسىنىڭ بٸر عانا سالاعا تەۋەلدٸلٸكتەن ارىلىپ, تۇراقتى ەرتاراپتاندىرۋ جولىنا تٷسكەنٸ انىقتالعان. قالادا ٶنەركەسٸپ كٶلەمٸ ارتىپ, ينۆەستيتسييا تارتۋ قارقىنى كٷشەيگەن.
2025 جىلدىڭ قورىتىندىسى بويىنشا ٶنەركەسٸپ ٶندٸرٸسٸنٸڭ كٶلەمٸ 1,6 ترلن تەڭگەدەن اسىپ, بٸر جىل ٸشٸندە 28,1%-عا ٶسكەن. ال نەگٸزگٸ كاپيتالعا سالىنعان ينۆەستيتسييا 429,8 ملرد تەڭگەگە جەتٸپ, ٶتكەن جىلمەن سالىستىرعاندا 1,2 ەسەگە ارتقان.
سونىمەن قاتار, جۇمىسپەن قامتۋ بٸرنەشە سالا اراسىندا تەڭ بٶلٸنٸپ, قالا قۇراۋشى بٸر كەسٸپورىنعا تەۋەلدٸلٸك تٶمەندەگەن. بۇل مونوقالاعا تەن بەلگٸلەردٸڭ جويىلعانىن كٶرسەتەدٸ.
جاڭارتىلعان تٸزٸمدە 19 مونوقالا قالدى. ولاردىڭ قاتارىندا تەمٸرتاۋ, جاڭاٶزەن, رۋدنىي, بالقاش جەنە باسقا قالالار بار. وسىلايشا, ەلٸمٸزدەگٸ مونوقالالار سانى 20-دان 19-عا دەيٸن قىسقاردى.
ساراپشىلاردىڭ پٸكٸرٸنشە, ەكٸباستۇزدىڭ تٸزٸمنەن شىعۋى – قالانىڭ ەكونوميكالىق ترانسفورماتسيياسىنىڭ ايقىن دەلەلٸ. بۇل كەسٸپكەرلٸكتٸ دامىتۋ, ينۆەستيتسييا تارتۋ جەنە ەكونوميكانى ەرتاراپتاندىرۋ باعىتىنداعى جٷيەلٸ جۇمىستىڭ نەتيجەسٸ سانالادى.
