فوتو: دسم
قازاقستان رەسپۋبليكاسى دەنساۋلىق ساقتاۋ مينيسترلٸگٸ ەلدە سيرەك كەزدەسەتٸن جاعداي تٸركەلٸپ, بٸر ۋاقىتتا ەكٸ مۋلتياعزالىق دونورلىق پروتسەسس جٷزەگە اسىرىلعانىن مەلٸمدەدٸ, دەپ حابارلايدى Ult.kz.
مينيسترلٸك دەرەگٸنشە, مۇنداي وپەراتسييالار ترانسپلانتولوگييا جٷيەسٸنٸڭ جوعارى دەڭگەيدە ٷيلەسٸمدٸ جۇمىسىن تالاپ ەتەدٸ. دونورلاردىڭ بٸرٸ – استانادا 1981 جىلى تۋعان ەيەل. مي ٶلٸمٸ تٸركەلگەننەن كەيٸن ونىڭ تۋىستارى قايتىس بولعاننان كەيٸنگٸ دونورلىققا كەلٸسٸم بەرگەن.
وسى شەشٸمنٸڭ ارقاسىندا ۇزاق ۋاقىت بويى كەزەكتە تۇرعان بٸرنەشە ناۋقاسقا بٸردەن كٶمەك كٶرسەتٸلدٸ. دونوردان الىنعان جٷرەك, ٶكپە, باۋىر جەنە بٷيرەك سىندى اعزالار ەلٸمٸزدٸڭ تٷرلٸ ٶڭٸرلەرٸندەگٸ, سونىڭ ٸشٸندە استانا, جەتٸسۋ, سولتٷستٸك قازاقستان جەنە وڭتٷستٸك ايماقتارداعى پاتسيەنتتەرگە ترانسپلانتاتسييالاندى.
بٸر مەزگٸلدە ەكٸ دونورلىق پروتسەستٸ جٷزەگە اسىرۋ بٸرنەشە مەديتسينالىق توپتىڭ جەدەل ەرٸ ٷيلەسٸمدٸ ەرەكەتٸن تالاپ ەتكەن. وپەراتسييالارعا الماتىدان سىزعانوۆ اتىنداعى ۇلتتىق عىلىمي حيرۋرگييا ورتالىعى, استانادان UMC كارديوحيرۋرگييالىق ورتالىعى ماماندارى, سونداي-اق سانيتارييالىق اۆياتسييا بورتتارى مەن جەرگٸلٸكتٸ قىزمەتتەر جۇمىلدىرىلعان.
بارلىق جۇمىستاردى ترانسپلانتاتتاۋ مەن جوعارى تەحنولوگييالىق مەديتسينالىق قىزمەتتەردٸ ٷيلەستٸرۋ جٶنٸندەگٸ رەسپۋبليكالىق ورتالىق ٷيلەستٸرگەن.
ۆەدومستۆونىڭ مەلٸمەتٸنشە, بۇل جاعداي ترانسپلانتاتتاۋ جٷيەسٸنٸڭ جوعارى جٷكتەمەگە دايىن ەكەنٸن جەنە كٷشەيتٸلگەن رەجيمدە تيٸمدٸ ەرەكەت ەتە الاتىنىن كٶرسەتتٸ.
سوڭعى ەكٸ جىلدا سالادا وڭ ديناميكا بايقالادى. ەلەۋەتتٸ دونورلاردى انىقتاۋ كٶرسەتكٸشٸ 2023 جىلعى 49 جاعدايدان 2025 جىلى 186-عا دەيٸن ارتقان. ال قايتىس بولعاننان كەيٸنگٸ دونورلىق پروتسەستەر سانى 2023 جىلعى 7 جاعدايدان 2025 جىلى 19-عا جەتكەن. بۇل جٷزدەگەن پاتسيەنتتٸڭ ٶمٸرٸن ساقتاپ قالۋعا مٷمكٸندٸك بەرگەن.
دەنساۋلىق ساقتاۋ مينيسترلٸگٸ دونورلاردىڭ تۋىستارىنا العىس بٸلدٸرٸپ, مۇنداي شەشٸمدەر بٸرنەشە ادامنىڭ ٶمٸرٸن قۇتقارۋعا مٷمكٸندٸك بەرەتٸنٸن اتاپ ٶتتٸ. سونىمەن قاتار, ەلدە دونورلىق مەدەنيەتتٸ دامىتۋ جەنە سانالى تاڭداۋ جاساۋ ماڭىزدىلىعى ەرەكشە ەكەنٸ ايتىلدى.
