قاراعاندىدا ەكٸ جٸگٸت جانىپ جاتقان مونشانىڭ ٸشٸنەن 6 جاسار بالانى الىپ شىقتى, دەپ حابارلايدى "ۇلت اقپارات".
ەستەرٸڭٸزگە سالا كەتەيٸك, ٶرت 29 مامىردا قاراعاندى قالاسىنىڭ ەرمەكوۆ كٶشەسٸندەگٸ «كەدر» مونشاسىندا بولعان. جالىن 300 شارشى مەتردەن استام اۋماقتى قامتىدى.
سول كٷنٸ مونشادا بولعان پوليتسييا لەيتەنانتى شەرحان تٶلەۋحان مەن ونىڭ دوسى جانتٶلەۋ ەگٸنباي ٶرت تۋرالى ايقايدى ەستيدٸ. باستاپقىدا مەن بەرمەگەن ولار, كەيٸن مونشا بٶلمەلەرٸندەگٸ تٷتٸندٸ كٶرەدٸ.
ەكەۋٸ بٸردەن تٶمەنگٸ قاباتتاعى زاتتار مەن قۇجاتتارىنا جٷگٸرگەن. سول كەزدە بۇرىشتا جالعىز تۇرعان بالانى بايقايدى. شەرحان ويلانباستان, بالانى كٶتەرٸپ, سىرتقا جٷگٸردٸ.
«شىعا بەرٸستە وت لاپىلداپ جانا باستادى, تٶبەدەن ٶرتەنگەن زاتتار قۇلاپ جاتىر. سوعان قاراماستان شىعار جولدى تاۋىپ الدىم. جانتٶلەۋ دوسىم بالاعا دىمقىل سٷلگٸنٸ جاۋىپ, قاۋٸپسٸز جەرگە الىپ باردى», - دەيدٸ شەرحان تٶلەۋحان.
بالانىڭ اتا-اناسى پوليتسەيگە بالاسىن قۇتقارعانى ٷشٸن العىس ايتتى. قازٸر بالانىڭ جاعدايى جاقسى, ونىڭ ٶمٸرٸ مەن دەنساۋلىعىنا ەش قاۋٸپ جوق.
قاراعاندى وبلىسى تج دەپارتامەنتٸنٸڭ باسشىلىعى بالانىڭ ٶلٸمٸنە جول بەرمەگەن باتىل ەرەكەتٸ ٷشٸن پوليتسييا قىزمەتكەرٸ مەن ونىڭ دوسىن ماراپاتتاماق.
