Qaraǵandyda eki jigit janyp jatqan monshanyń ishinen 6 jasar balany alyp shyqty, dep habarlaidy "Ult aqparat".
Esterińizge sala keteiik, órt 29 mamyrda Qaraǵandy qalasynyń Ermekov kóshesindegi «Kedr» monshasynda bolǵan. Jalyn 300 sharshy metrden astam aýmaqty qamtydy.
Sol kúni monshada bolǵan politsiia leitenanty Sherhan Tóleýhan men onyń dosy Jantóleý Eginbai órt týraly aiqaidy estidi. Bastapqyda mán bermegen olar, keiin monsha bólmelerindegi tútindi kóredi.
Ekeýi birden tómengi qabattaǵy zattar men qujattaryna júgirgen. Sol kezde buryshta jalǵyz turǵan balany baiqaidy. Sherhan oilanbastan, balany kóterip, syrtqa júgirdi.
«Shyǵa beriste ot lapyldap jana bastady, tóbeden órtengen zattar qulap jatyr. Soǵan qaramastan shyǵar joldy taýyp aldym. Jantóleý dosym balaǵa dymqyl súlgini jaýyp, qaýipsiz jerge alyp bardy», - deidi Sherhan Tóleýhan.
Balanyń ata-anasy politseige balasyn qutqarǵany úshin alǵys aitty. Qazir balanyń jaǵdaiy jaqsy, onyń ómiri men densaýlyǵyna esh qaýip joq.
Qaraǵandy oblysy TJ departamentiniń basshylyǵy balanyń ólimine jol bermegen batyl áreketi úshin politsiia qyzmetkeri men onyń dosyn marapattamaq.
