ارشالى اۋدانى اۋماعىندا «ەكاتەرينبۋرگ-الماتى» تاسجولىنىڭ بويىندا بەنزين تاسىمالدايتىن «DAF» كٶلٸگٸنٸڭ تسيستەرناسىنا تەسٸلٸپ, 3 توننا بەنزين تٶگٸلدٸ, دەپ حابارلايدى "ۇلت اقپارات" اقمولا وبلىستىق پد باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, تٶتەنشە جاعداي ماۋسىمنىڭ 1-دە جٸبەك جولى اۋماعى ارقىلى ٶتەتٸن «ەكاتەرينبۋرگ-الماتى» تاسجولىنىڭ 1289-شاقىرىمىندا بولعان.
بۇل تۋرالى سول كٷنٸ ساعات 15:30 كەزٸندە ارشالى اۋداندىق پوليتسيياسىنىڭ كەزەكشٸ بٶلٸمٸنە حابارلاندى.
انىقتالعانداي, جٷرگٸزۋشٸ تيەلگەن 7 توننا جانار-جاعارمايدى نۇر-سۇلتان قالاسىنا اپارا جاتقان.
جولدا تسيستەرنا تەسٸلٸپ, 3 توننا جۋىق جانارماي تاسجولدىڭ ٷستٸنە تٶگٸلدٸ.
بۇل ٶز كەزەگٸندە ٶزگە كٶلٸكتەردٸڭ جٷرۋٸنە قاۋٸپ تٶندٸردٸ.
«وقيعا ورنىنا جەتكەن تەرتٸپ ساقشىلارى جولدىڭ اتالمىش ۋچاسكەسٸن ۋاقىتشا جاپتى. كەيٸن ٶرت سٶندٸرۋشٸلەر جەتٸپ, جانارماي تٶگٸلگەن جەردٸ سۋمەن شايىپ, قۇم شاشتى. جٷرگٸزۋشٸگە قاتىستى ەكٸمشٸلٸك قۇقىق بۇزۋ كودەكسٸنٸڭ 630-بابىنىڭ 1-بٶلٸگٸ بويىنشا ەكٸمشٸلٸك حاتتاما تولتىرىلدى», - دەدٸ ۆەدومستۆودان.
