Arshaly aýdany aýmaǵynda «Ekaterinbýrg-Almaty» tasjolynyń boiynda benzin tasymaldaityn «DAF» kóliginiń tsisternasyna tesilip, 3 tonna benzin tógildi, dep habarlaidy "Ult aqparat" Aqmola oblystyq PD baspasóz qyzmetine silteme jasap.
Vedomstvonyń málimetinshe, tótenshe jaǵdai maýsymnyń 1-de Jibek joly aýmaǵy arqyly ótetin «Ekaterinbýrg-Almaty» tasjolynyń 1289-shaqyrymynda bolǵan.
Bul týraly sol kúni saǵat 15:30 kezinde Arshaly aýdandyq politsiiasynyń kezekshi bólimine habarlandy.
Anyqtalǵandai, júrgizýshi tielgen 7 tonna janar-jaǵarmaidy Nur-Sultan qalasyna apara jatqan.
Jolda tsisterna tesilip, 3 tonna jýyq janarmai tasjoldyń ústine tógildi.
Bul óz kezeginde ózge kólikterdiń júrýine qaýip tóndirdi.
«Oqiǵa ornyna jetken tártip saqshylary joldyń atalmysh ýchaskesin ýaqytsha japty. Keiin órt sóndirýshiler jetip, janarmai tógilgen jerdi sýmen shaiyp, qum shashty. Júrgizýshige qatysty Ákimshilik quqyq buzý kodeksiniń 630-babynyń 1-bóligi boiynsha ákimshilik hattama toltyryldy», - dedi vedomstvodan.
